ခြသေ`့်ဟိန်းသံ

Lion’s roar

(၁)
လောက ဓမ္မတာ၊ လူ အများစု တွင် စိမ့်ဝင်နေပြီး မသိမသာ ဖြစ်စေ၊ သိသိ သာသာ ဖြစ်စေ ကြောက် ရွံ့ ထိတ်လန့်နေ တတ်ကြသည့် အရာကြီးများ ရှိပါ သည်။ ယင်းတို့ အနက် တစ်ခု မှာ – အခြားသူတစ်ပါးတို့ ၏ အထင်အမြင် (Of the opinion of Others ) ဖြစ်၏။ မိမိ ၏ ပြုမူ ပြောဆို မှု အလုံးစုံ ကို မိမိ ပတ်ဝန်းကျင် နှင့် မိမိ အသိုင်း အဝိုင်း က မည်သို့ ထင်မြင် သည်၊ မည်သို့ ယူဆ သွားကြမည် ကို အနည်းနှင့် အများ စိုးရွံ့စိတ် သည် လူတိုင်း နီးနီး တွင် ကပ်ညိ နေ တတ် ပါ၏။

“ဘယ်သူ ဘယ်လို ထင်ထင် ဂရုမစိုက်ပါ” ဟူသော သူ ပင် လျှင် ၎င်း ၏ အတွင်း သန္တာန် ထဲထိ တိုးဝင်ကြည့်ပါလျှင် သူတစ်ပါး၏ မိမိ အပေါ် ဂရုထားမှု ကို အသိ အမှတ် ပြုနေ ကြသည် ချည်း ဖြစ် သည်။ ဤသို့ဖြင့် – လူ့ဘောင် အတွင်း နေထိုင်ကြသူများ အဖို့ ကြောက်ရွံ့ ကြခြင်း အဖြစ်တို့၌ – တပါးသူ၏ အထင် အမြင် သည် အနည်း နှင့် အများ ခြောက်လှန့် ကပ်ပါ နေတတ် ကြ၏။ တစ်နည်း ဆိုလျှင် လူ ပုဂ္ဂိုလ် တစ်ဦး သည် လူ့ အဖွဲ့ အစည်း အတွင်း ရှိ သိုးငယ် တစ်ကောင် ဖြစ် လျက် ရှိ၏။

(၂)
လူတို့ ၏ အထင် အမြင် အပေါ် အပြည့်အဝ ဂရုမမူ တော့သော အခါမျိုး ရှိဖူး ပါ သလား။ ယင်း အခိုက် မျိုး တွင် မိမိသန္တာန်ကို မပြတ် မလပ် စောင့်ကြည့် နိုင်စေ လို သည်။ အဘယ်ကြောင့် ဆိုသော် ယင်း အချိန် တို့ ၌ သင် သည် သိုးငယ် တစ်ကောင် မဟုတ်တော့ သော ကြောင့် ဖြစ်သည်။ ၎င်း ခဏ တွင် သင် သည် ကေသရာဇာ ခြင်္သေ့မင်း အလား၊ ရဲရင့် ဝင့်ကြွား နေကြောင်း၊ တောက်ပ ကြည် လင် လျက် ရှိကြောင်း မြင်တွေ့ ရ ပေ လိမ့်မည်။

သင် ၏ နှလုံးအိမ် တွင် မြင့်မြတ် သော ဟိန်းသံ သည် တုန်ဟီး လျက် ရှိ၏။ စင်စစ် ယင်း ဟိန်းဟောက် သံ ကို Roar of Freedom (လွတ်လပ်ခြင်း ၏ တုန်ဟီး မြည်ကြွေး သံ) ဟု ဆရာ တို့က ညွှန်းဆိုသည်။

(၃)
ဗုဒ္ဓ ကလည်း Lion’s roar (ကေသရာဇာတို့ ဟိန်းသံ) ဟူသော ဝေါဟာရ ကို တိုက်ရိုက် ညွှန်း ဆို ခဲ့ဖူးသည်။ အကြင် လူတစ်ဦး သည် ၎င်း ၏ အတွင်း သန္တာန် ၌ အပြည့် အဝ ငြိမ်ဝပ် သွားသည့် အခါ တွင် ယင်းကဲ့သို့ ဟိန်း ဟောက်သံ မျိုး ခံစား ရ ပေမည်။ သင့် နှလုံးသား တွင်း မှ နေ၍ အခြား သူတို့ ၏ အထင်အမြင် မှ လွတ်ကင်း သွား သည့် အခါ တွင် (ဝါ) အခြား သူ တို့၏ အထင် အမြင် အရိပ် မိုး အောက် မှ လွတ်မြောက် သွားသော အခါ တွင် ယင်း ဟိန်းသံ ကို ကြား သိနိုင် သည်။ ယင်း ခဏ၌ သင်သည် လွတ်လပ်မှု ၏ အရသာ ကို စတင် သိမြင် နိုင် မည် ဖြစ်၏။

ထိုခဏ ၌ ဟိုသူ သည်လူ တို့၏ ပြောဆို သမျှ သည် မည်သည့် အကြောင်း နှင့် မျှ သင့် အတွက် အရေးပါ မနေတော့။ သူုယုတ် ဟု ဆိုခြင်း၊ သူတော်စင် ဟု ဆိုခြင်း သည် သင့် အတွက် လှုပ်ခတ်မနေ။ လူတော် ဟု ဆိုခြင်း၊ လူညံ့ ဟု ဆိုခြင်း သည် သင့်အတွင်း ဘာမျှ မဝင်ရောက် နိုင်ပေ။ စသည် ရှိရှိ သမျှ ပြင်ပ အရာ စကား တို့ ပျောက်ကွယ် ကုန်ကြပြီး သင့် နှလုံး သည် ပကတိ ကြည်စင် လျက် ရှိနေ ပါ၏။ သင်သည် အခြားသူနှင့် အသက်မရှင်၊ သင်၏ အတွင်း၌သာ စိမ့်နှစ် ဝင် လျက် ပြည့်ဝ စွာ ရှင်သန် လျက် ရှိ၏။ ယင်း ဟိန်းသံ ကို ကြားသိရန် သင့် နှလုံးသား သည် သင့်အမြင်၊ သင့် အသိ ကို စောင့်ဆိုင်းလျက် ရှိ၏။

(၄)
မိမိ ၏ တခဏ အပေါ် ပြည့်ဝစွာ နားလည်နိုင် သည့် ခဏ ၌ လည်းကောင်း၊ မေတ္တာ ဖြင့် ပြည့် နှက် ကြည်စင်နေ သည့် ခဏ ၌ လည်းကောင်း၊ သင် ၏ နှလုံးသား သည် ဟိန်းသံတို့ဖြင့် စတင် မြည်ဟည်းလာ ပါလိမ့် မည်။ အကြိမ်ကြိမ် အဖန်ဖန် ခြောက်လှန့် နေ တတ် သော အခြား တစ်ပါး သူ တို့ ၏ အထင် အမြင် သည် အဝေး တစ်နေရာ ကြက်ပျောက် ငှက်ပျောက် ပျောက် ကွယ် ကုန်ကြ လိမ့်မည်။ သင့်ဘဝ၊ သင်နှလုံးသား သည် ပကတိ မူလ အတိုင်း ရဲဝံ့ တည်ကြည် လျက် ရှိနေသည် ဖြစ်၍ ဤအချက်ကို ဆူဖီတို့က -

~ Your whole and sole judge is God. ~ တစ်စည်း တစ်ပေါင်း တည်း အဖြစ်သည် သင်သာ ဖြစ် သည်။ သင်၏ အဆုံးဖြတ်နှင့် အဆုံးဖြတ် ခံ တို့သည် ဘုရား သခင် အဖြစ် ထီးတည်း ရပ်တည် လျက် ရှိပြီး ဖြစ်သည် ဟု ဆို၏။ (ဤနေရာ တွင် ဘုရားသခင် ဟူသည် မှာ ဣဿရ၊ ဖန်ဆင်းရှင် ဟူသည့် ပုဂ္ဂိုလ် အနေကို ဆိုလိုခြင်း မဟုတ်ပေ။ သင့် နှလုံးသား၊ သင့် လောက တစ်ခုလုံး ဟု ရိုးရှင်းစွာ ဆိုလိုခြင်း သာ ဖြစ်သည်။)

August 2, 2012zayya.wordpress.com မှယူတယ်

ပြိုင်တူတွန်းလျှင် ရွှေ့ နိုင်သည် ။