မရဏ (ဝါ) သူမှတစ်ပါး မသေချာသော အရာ

၁။ အဓိက ပြဿနာမှာ – အကုသိုလ် ကို ကုသိုလ် သို့ ပြောင်းလဲ နိုင်ရန် မဟုတ်။ ဒုက္ခ မှ သုခ သို့ ကူးပြောင်းရန် မဟုတ်။ နာကျင်မှုကို ချမ်းမြေ့မှု အဖြစ် ပြောင်းလဲ ပစ်ရန် မဟုတ်ပေ။

၂။ စင်စစ် အဓိက ပြဿနာမှာ – မသိမှုကို – သိမှု (အသိ သက်သက်) သို့ ပြောင်းလဲနိုင် ရန်သာ ဖြစ်သည်။ အိပ်ပျော်နေ သည့် အဖြစ်မှ နိုးထ လာရန် သာ ဖြစ် သည်။ ပြင်ပ ဗဟိဒ္ဓနှင့် ရှင်သန် နေသည့် အဖြစ်မှ – အတွင်း အဇ္ဈတ္တ သို့ လျှိုးဝင် ရှင်သန် နိုင်ရန် ဖြစ်သည်။ ရှေ့အလိုဆန္ဒ တို့၏ အဟုန်ဖြင့် ပြေးလွှားနေသည့် အဖြစ်မှ – အလိုဆန္ဒတို့ ပျက်သုဉ်း ငြိမ်ဝပ် သွားသည့် အဖြစ်သို့ ကူးပြောင်း ရန်သည်သာ စင်စစ် အရေးပါ၏။

၃။ လက်ရှိ သာမန် ရှင်သန်နေသော လမ်းသည် – အိပ်မက်ကို ပဓာန ပြုသော လမ်း ဖြစ်သည်။ ထို့ကြောင့် အိပ်မက် သည် အတုအယောင် အချည်းနှီး ဖြစ်သကဲ့သို့ – ရှင်သန်နေထိုင်မှုသည်လည်း အတုအယောင် အချည်းနှီး သာ ဖြစ်လာရ ၏။

၎။ ဗုဒ္ဓ၊ တထာဂတ တို့၏ လမ်းသည် – ဉာဏ ကို ပဓာန ပြုသော လမ်း ဖြစ် ၏။ ရှင်သန်မှု ဘဝ ၌ အိပ်မက် မရှိ။ ရှင်သန်မှု နိုးကြားမှု စင်စစ် သာ ရှိ၏။ ထို့ကြောင့် အတုအယောင် အချည်းနှီး မဖြစ်ဘဲ၊ ခဏတိုင်း ၌ ပြည့်ဝလျက် ရှိသည်။

၅။ တထာဂတ တို့ မိန့်ဆိုသည့် စကားမှာ -

“လောက၌ မည်သည့် အရာသည် သေချာ ရောရာ ရှိပါသနည်း။ အဘယ် ဓမ္မ၊ သင်္ခါရတရား သည် မည်သို့ အခြေတည် ခိုင်မြဲ နေပါသနည်း။ အရာအားလုံး ကုန်ဆုံး ပျက် သုဉ်း ရစမြဲ ဖြစ်ကြောင်း သိအပ်၏။ အဖန်တလဲလဲ ဖြစ်ပျက် ပြောင်းလဲ နေမြဲ ဖြစ်ကြောင်း – အရာရာတို့၌ ရှုမြင်လွယ်၏။

“ခိုင်မြဲသော မဖောက်ပြန်သော အရာ ရှိတန်ရာသလော ဟု ရှာဖွေလျှင် – ဤလောက၌ “သေခြင်းတရား” မှ တစ်ပါး အခြားမရှိ။ အရာရာ တို့၏ ဖြစ်ပျက် ပြောင်းလဲမှု သဘော၌ မသေချာမှုများဖြင့် ဖွဲ့တည် ထားသော်လည်း၊ “သေခြင်းတရား” သည်ကား မလွဲမသွေ ရောက်လာ ရပေလိမ့်မည်” ~ ဟူ၏။

၆။ ယင်းသို့ – “မခိုင်မြဲ သည့် သဘာဝ” အား အစဉ်ထာဝရ ခိုင်မြဲနေလိုခြင်း အဖြစ် ကိုပင် “မသိမှု (အဝိဇ္ဇာ)” ဟု လည်းကောင်း၊ အမြင် မှောက်မှားမှု (မာယာ) ဟူ၍ လည်းကောင်း ခေါ်ဆို၍ – ၎င်းတို့ ဦးတည်ရာ သည် – သောက၊ ပရိဒေဝ၊ ဇရာ၊ မရဏ တို့ထံသာ ဖြစ်၏။

 http://zayya.wordpress.com မှယူတင်ပြပါတယ်