လူမျိုးစုရေးရာ ပဋိပက္ခများ

လူမျိုးစုရေးရာ ပဋိပက္ခများ (အပိုင်း- ၂)

(၂) Institutional Approach

လူမျိုးစုရေးရာ ပဋိပက္ခဖြစ်နိုင်ချေကို ဆန်းစစ်ရာမှာ အင်စတီကျူးရှင်းတွေရဲ့ အခန်းကဏ္ဍက အလွန်အရေးကြီးပါတယ်။ လူမျိုးစုများအကြား ပူးပေါင်းဆောင်ရွက်ရေးကို အားပေးခြင်း (သို့မဟုတ်) ကန့်သတ်ခြင်းများ ပြုလုပ်ပြီး လူမျိုးစုများအကြား ဆက်နွယ်ပတ်သက်မှုတွေကို ဖော်ကျူးပေးနိုင်တာက အင်စတီကျူးရှင်းများ ဖြစ်ပါတယ်။ နိုင်ငံရေးပညာရှင် Crawford ဆိုသူက အင်စတီကျူးရှင်းများအနေနဲ့ ပူးပေါင်းဆောင်ရွက်ရေး၊ စည်းမျဉ်းများ၊ ဓလေ့ထုံးစံများ၊ လုပ်ထုံးလုပ်နည်းများအတိုင်း လိုက်နာ ဆောင်ရွက်ရေး၊ ကိုယ်စားပြုရေး၊ တာဝန်ခံမှုရှိရေး စတာတွေကို အားပေးဖော်ဆောင်လို့ ရကြောင်း အကြံပြုထားခဲ့ပါတယ်။ identity politics မှ ပဋိပက္ခအဖြစ် မပြောင်းလဲ သွားစေရေးအတွက် နိုင်ငံတော် အင်စတီကျူးများပေါ်မှာ မူတည်ကြောင်း သူမက ဆိုထားခဲ့ပါတယ်။

identity politics ရှိနေချိန်မှာ နိုင်ငံတော်အနေနဲ့ ငြိမ်းချမ်းစွာ နိုင်ငံရေးယှဉ်ပြိုင်မှုကို အားပေးခြင်း၊ တိုင်းရင်းသားလူမျိုးစုများနဲ့ သဘောတူလက်ခံထားတဲ့ စာချုပ်စာတမ်းပါ ကတိက၀တ်များအတိုင်း ဖော်ဆောင်မှုရှိခြင်း၊ လူမျိုးစုအခြေခံ နိုင်ငံရေးဇာတ်ကောင်များအကြား ပဋိပက္ခများကို ငြိမ်းချမ်းစွာ ဖြေရှင်းနိုင်ရန် ကြိုးပမ်းခြင်းများ ပြုလုပ်နိုင်ပါက ပြည်တွင်းစစ်ဖြစ်ပွားမှုကို ကာကွယ်နိုင်ကြောင်းကိုလဲ မီးမောင်းထိုးဖော်ပြခဲ့ပါတယ်။

အင်စတီကျူးရှင်း ချဉ်းကပ်နည်းလမ်းကို ထောက်ခံသူများက ၁၉ ရာစုခေတ်ကာလမှာ ဆွစ်ဇလန်နိုင်ငံမှာ ဖြစ်ပွားခဲ့တဲ့ လူမျိုးစုသုံးစုအကြားက တင်းမာမှုတွေကို ယခုအချိန်မှာ consociational democracy အပေါ်မှာ အခြေခံတဲ့ နိုင်ငံရေးစနစ်အရ ethnic pluralism ကျင့်သုံးပြီး၊ အုပ်စုသုံးစုအကြား အာဏာခွဲဝေခြင်း နည်းလမ်းနဲ့ စီမံခန့်ခွဲနိုင်ခဲ့ကြောင်း ဥပမာပေး ဖော်ပြထားကြပါတယ်။

နိုင်ငံရေးပညာရှင် Enloe နဲ့ Nagel ဆိုသူတို့က နိုင်ငံတော်ရဲ့ အုပ်ချုပ်ရေးယန္တရားနဲ့ ဥပဒေဆိုင်ရာ အင်စတီကျူးရှင်းများဟာ အရင်းအမြစ်များကို လူမျိုးစုအပေါ်မှာ အခြေခံ ခွဲဝေပြီး၊ လူမျိုးစုများအပေါ်မှာ အခြေခံတဲ့ political mobilization ကို ပြုလုပ်လေ့ရှိကြကြောင်း လေ့လာတွေ့ရှိခဲ့ကြပါတယ်။ သို့ပေမယ့် ethnic identity ကို အလွန်အမင်းအာရုံစိုက်ပြီး၊ နိုင်ငံရေးအင်စတီကျူးရှင်းတွေက မြှင့်တင်တဲ့ တိုင်းပြည်တွေမှာ၊ ကွဲပြားခြားနားသော လူမျိုးစုများအကြား လူမှုရေး ပေါင်းကူးဆက်နွယ်ရေးကို မြှင့်တင်တဲ့ တိုင်းပြည်တွေထက် လူမျိုးစုရေးရာ ပဋိပက္ခပိုမိုများပြားကြောင်း သုတေသနပြုချက်များမှာ တွေ့ရှိခဲ့ကြပါတယ်။

ကိုလိုနီစနစ်နဲ့ ဒီမိုကရေစီစနစ်တို့ရဲ့ နိုင်ငံရေးအင်စတီကျူးရှင်းတွေဟာ လူမျိုးစုများအကြား ဆက်ဆံရေးကို ကြီးမားစွာ အကျိုးသက်ရောက်မှုရှိစေပါတယ်။ ကိုလိုနီစနစ်မှာ လူမျိုးစုများအလိုက် ခွဲခြားအုပ်ချုပ်ရေး မဟာဗျူဟာကို အသုံးပြုပြီး၊ ကိုလိုနီစနစ်ခိုင်မြဲအောင် ပြုလုပ်လေ့ရှိပါတယ်။ ဒါကြောင့်လဲ ကိုလိုနီစနစ်လက်အောက်က လွတ်မြောက်လာတဲ့ တိုင်းပြည်တွေမှာ ယခင်အစိုးရဟောင်းရဲ့ အုပ်ချုပ်ရေးယန္တရား လျော့နည်းလာတာနဲ့ တပြိုင်နက် လူမျိုးစုများအကြားမှာ ပြည်တွင်းစစ် ဖြစ်လာ တတ်ပါတယ်။ အခြေအနေတွေကို ငြိမ်းချမ်းစွာ မဖြေရှင်းပဲ စစ်ရေးအရ ဖြေရှင်းလိုတဲ့ ခေါင်းဆောင်များ ရှိနေခဲ့ရင် လက်နက်ကိုင်ပဋိပက္ခဖြစ်နိုင်ချေက ပိုပြီး မြင့်မားတတ်ပါတယ်။

ဒီမိုကရက်တစ်အင်စတီကျူးရှင်းများဟာ လူမျိုးစုများအကြား ပူးပေါင်းဆောင်ရွက်ရေးကို အားပေးမြှင့်တင်ပြီး၊ ပဋိပက္ခဖြစ်နိုင်ချေကို လျှော့ချပေးနိုင်ကြောင်း သုတေသန တွေ့ရှိချက်များက အဆိုပြုထားကြပါတယ်။ နိုင်ငံရေးပညာရှင် Prazauskas ဆိုသူက ဒီမိုကရေစီစနစ်ကျင့်သုံးတဲ့ လူမျိုးစုများ စုပေါင်းနေထိုင်ရာ တိုင်းပြည်တခုမှာ တည်ငြိမ်အေးချမ်းမှုကို နိုင်ငံရေးအပေးအယူ လုပ်ခြင်းများ၊ တွေ့ဆုံဆွေးနွေးမှုများနဲ့ ဖော်ဆောင်လေ့ရှိတဲ့အတွက် လူမျိုးစုရေးရာ ပဋိပက္ခ ဖြစ်နိုင်ချေကို လျှော့ချပေးနိုင်ကြောင်း ဆိုထားခဲ့ပါတယ်။ နိုင်ငံရေး ပညာရှင် Dixon ဆိုသူကလဲ ဒီမိုကရေစီစနစ်ကျင့်သုံးတဲ့ တိုင်းပြည်များဟာ ပဋိပက္ခများ စတင်ဖြစ်ပွားလာချိန်မှာ ဆက်လက် မပြန့်ပွားသွားအောင် ထိန်းချုပ်နိုင်ရေးအတွက် အကောင်းဆုံး ယန္တရားများကို အခြားစနစ်များထက် ပိုပြီး ပြည့်စုံကြောင်း မီးမောင်းထိုးပြထားခဲ့ပါတယ်။

အာဏာရှင်စနစ်ကနေ ဒီမိုကရေစီစနစ်ကို အသွင်ကူးပြောင်းတဲ့ လူမျိုးစုများ စုပေါင်းနေထိုင်တဲ့ တိုင်းပြည်တွေရဲ့ အသွင်ကူးစအချိန်မှာ စစ်ဆေးထိန်းချုပ်မှုများကို အင်အားသုံးပြုလုပ်တဲ့ စနစ်ကို စတင်ဖြေလျှော့ရလေ့ရှိပါတယ်။ ဒီလိုအခြေအနေတွေမှာ လူမျိုးစုအဖွဲ့အစည်းတွေရဲ့ စည်းရုံးရေး၊ လှုပ်ရှားဆောင်ရွက်ရေး နယ်ပယ်နဲ့ လုပ်ပိုင်ခွင့်တွေ ပိုမိုကျယ်ပြန့်လာပါတယ်။ ဒါကို အကြောင်းပြုပြီး ငြိမ်းချမ်းစွာ အတူတကွယှဉ်တွဲနေထိုင်ရေးကို အားပေးတဲ့ နိုင်ငံရေးဇာတ်ကောင်များ ရှိသလို၊ အာဃာတနဲ့ အမုန်းတရားများကို ပြန်လည်ဖော်ထုတ်ပြီး နိုင်ငံရေးအရ ပါဝါအခြေခံတည်ဆောက်တဲ့ နိုင်ငံရေးဇာတ်ကောင်များလဲ ရှိလာတတ်ပါတယ်။ ဒီဇာတ်ကောင်များအကြားမှာလဲ အချင်းချင်း အားပြိုင်မှုဖြစ်ပြီး၊ အားသာတဲ့ဘက်ရဲ့ နိုင်ငံရေးလမ်းစဉ်က လူထုအကြားမှာ ပျံ့နှံ့သွားတတ်ပါတယ်။

ဒီမိုကရေစီအသွင်ကူးပြောင်းစမှာ လူမျိုးစုတွေအကြား ဖြစ်လေ့ဖြစ်ထရှိတဲ့ အခြားကိစ္စတရပ်ကတော့ ရုတ်ခြည်း နိုင်ငံရေးအခြေအနေပြောင်းလဲမှုမှာ လူများစုများက လူနည်းစုများကို လွှမ်းမိုးချုပ်ကိုင် အနိုင်ယူသွားမှာကို စိုးရိမ်ကြောင့်ကြစိတ်ဖြစ်ပါတယ်။ ဒါကြောင့် အသွင်ကူးပြောင်းမှုကို ဦးဆောင်တဲ့ နိုင်ငံရေးဇာတ်ကောင်များက ဒီစိုးရိမ်ကြောင့်ကြစိတ်များ လျော့နည်းစေရန် ပွင့်လင်းမြင်သာမှု၊ ရိုးသားမှု တို့ကို အခြေခံတဲ့ ဆက်ဆံရေးစနစ်တခုကို လူမျိုးစုများနဲ့ ထားရှိဖို့ လိုအပ်ပါတယ်။ နိုင်ငံရေးပညာရှင် Lijphart ဆိုသူကMajority rule ဟာ အာဏာရှင်စနစ်နဲ့ civil strife ကိုသာ ဦးတည်စေတဲ့အတွက် consensus နဲ့ inclusion တို့ကို အခြေခံတဲ့ ဒီမိုကရေစီအစိုးရတရပ်ကို ဖော်ဆောင်သင့်ကြောင်း အကြံပြုထားခဲ့ပါတယ်။

(၃) Political Entrepreneurs Approach

ရုတ်ခြည်းနိုင်ငံရေးပြောင်းလဲမှုကနေ ပေါ်ထွက်လာတဲ့ မတည်ငြိမ်မှုနဲ့ မရေရာမှု အခြေအနေတွေ၊ လူမျိုးစုများအကြား ဆက်ဆံရေးကို ကောင်းမွန်စွာ ဖော်ဆောင်နိုင်ခြင်းမရှိသေးတဲ့ အင်စတီကျူးရှင်း ဆိုင်ရာ အားနည်းချက်တွေ ရှိနေတဲ့ အခြေအနေတွေကို အမြတ်ထုတ်ပြီး၊ နိုင်ငံရေးအရ ပါဝါတည်ဆောက်လိုတဲ့ နိုင်ငံရေးဇာတ်ကောင်တွေ ရှိလာခဲ့ရင် လူမျိုးစုရေးရာ ပဋိပက္ခတွေ ကြီးထွားလာတတ်ပါတယ်။ အတိတ်က ဖြစ်ပွားခဲ့တဲ့ ပဋိပက္ခတွေ၊ အာဃာတတွေကနေ လူမျိုးစုများ အကြား အမုန်းတရားတွေ ဖြစ်ပွားလာအောင် လုပ်ဆောင်မှုတွေ ပေါ်ထွက်လာတဲ့အခါ inter-ethnic security dilemma ဖြစ်လာတတ်ပါတယ်။

နိုင်ငံရေးပညာရှင် Stuart Kaufman ဆိုသူက နိုင်ငံရေး၊ လူမျိုးရေးအစွန်းရောက်နေတဲ့ ခေါင်းဆောင် တွေက သူ့ရဲ့ လူမျိုးစုတွေအကြားမှာ တင်းမာခက်ထန်မှုတွေ ရှိလာအောင် အားပေးအားမြှောက် ပြုလုပ်ပြီး၊ လူမျိုးစုတွေကလဲ ဒီလို စစ်သွေးကြွခေါင်းဆောင်ကို ထောက်ခံအားပေးနေခဲ့မယ်ဆိုရင် ဒီခေါင်းဆောင်တွေနဲ့ လူမျိုးစုတွေက အခြားလူမျိုးစုများကို ခြိမ်းချောက်လာပြီး၊ security dilemma တခု ဖြစ်လာတတ်ကြောင်းနဲ့ ဒီလိုဖြစ်လာတဲ့အခါ အခြား လူမျိုးစုများ အတွင်းမှာလဲ တင်းမာမှုများ ထပ်မံ ပေါ်ထွက်လာပြီး စစ်ပွဲတွေ စတင်လာလေ့ရှိကြောင်း ရေးသားဖော်ပြခဲ့ပါတယ်။

ကြောက်ရွံ့မှု၊ အပြစ်ဖို့မှုနဲ့ အမုန်းတရားတွေကို အချို့သော နိုင်ငံရေးစွန့်ဦးတီထွင်သူများက ခွဲခြားထိန်းချုပ်ရေး လက်နက်အဖြစ် အသုံးပြုတတ်ကြပါတယ်။ နိုင်ငံရေးပညာရှင် Zupanov ဆိုသူက လူမျိုးစုအကြား အမုန်းတရားများဖြစ်စေတတ်သော နိုင်ငံရေးခေါင်းဆောင်တွေဆီမှာ မီဒီယာ ထုတ်လုပ်ရေးကိုပါ စွမ်းဆောင်နိုင်ရည်ရှိနေခဲ့ရင် အကြမ်းဖက်မှုများ ပေါ်ထွက်လာစေရန် ပိုမိုအားကောင်းစေတတ်ကြောင်း ဆိုထားခဲ့ပါတယ်။

political entrepreneurs approach ဟာ institutional approach နဲ့လဲ နီးကပ်စွာ ဆက်နွယ်မှု ရှိပါတယ်။ လူမျိုးစုရေးရာ ပဋိပက္ခများကို ငြိမ်းချမ်းစွာ မဖြေရှင်းပဲ အကြမ်းဖက်အနိုင်ယူသော နည်းလမ်းများနဲ့ ဖြေရှင်းလိုသော နိုင်ငံရေးခေါင်းဆောင်များသာ အစိုးရအုပ်ချုပ်ရေးယန္တရားထဲ ရောက်ရှိနေခဲ့ရင် ပဋိပက္ခဖြစ်ပွားနိုင်ချေက ပိုမိုမြင့်မားလာတတ်ပါတယ်။ နိုင်ငံရေးပညာရှင် Morris ဆိုသူကလဲ နိုင်ငံရေးဦးဆောင်မှုနဲ့ အင်စတီကျူးရှင်းများအကြားက ဆက်နွယ်မှုများကို လေ့လာခဲ့ရာမှာ အင်စတီကျူးရှင်းများကို နိုင်ငံရေးခေါင်းဆောင်များက အမုန်းတရားများ ပြန့်ပွားရေး၊ ခွဲခြားဆက်ဆံမှုများ အားပေးဖော်ဆောင်ရေး တို့အတွက် အသုံးချသွားခြင်း မရှိအောင် သတိပြုသင့်ကြောင်း ရေးသားဖော်ပြထားခဲ့ပါတယ်။

(၄) Competition over Resources Approach

ethnic identities များအပေါ် အခြေခံပြီး၊ နိုင်ငံရေးလှုပ်ရှားမှုများ ပြုလုပ်ခြင်းဟာ လူမျိုးစုရေးရာ သည်းခံနိုင်စွမ်းလျော့နည်းမှုနဲ့ အရင်းအမြစ်များနှင့် အခွင့်အရေးများအပေါ် ပြိုင်ဆိုင်မှုများကို တိုးမြင့်စေပါတယ်။ စနစ်တကျမဖြေရှင်းခဲ့ရင် လက်နက်ကိုင်ပဋိပက္ခများကို ဦးတည်သွားတတ်ပါတယ်။ အထူးသဖြင့် အရင်းအမြစ်များ ရှားပါးချိန်တွေမှာ နိုင်ငံရေးဇာတ်ကောင်းအချို့က ပဋိပက္ခဖြစ်နိုင်ချေ မြင့်မားအောင် ပုံဖော်ဆောင်ရွက်သွားလို့ ရတတ်ပါတယ်။ Organization for Economic Cooperation and Development (OECD) နဲ့ အမေရိကန်ပြည်ထောင်စု နိုင်ငံတကာဖွံ့ဖြိုးတိုးတက်ရေး အေဂျင်စီတို့ရဲ့ အစီရင်ခံစာများအရ အခွင့်အလမ်းနဲ့ အရင်းအမြစ်များ ဆုံးရှုံးနေတဲ့ လူမျိုးစု အဖွဲ့အစည်းများ အကြားမှာ လက်နက်ကိုင်ပဋိပက္ခအတွက် စည်းရုံးခံရနှုန်း ပိုမိုမြင့်မားလေ့ရှိကြောင်း လေ့လာတွေ့ရှိရပါတယ်။

မြေယာပိုင်ဆိုင်မှုအခွင့်အလမ်း၊ အလုပ်အကိုင်၊ ပညာသင်ထောက်ပံ့ကြေး၊ ဘာသာစကားအခွင့်အလမ်း၊ ဖွံ့ဖြိုးရေးအသုံးစရိတ် ခွဲဝေမှု စတာတွေဟာ လူတဦးချင်းနဲ့ အဖွဲ့အစည်းများရဲ့ အကျိုးစီးပွားတွေ အပေါ်မှာ သက်ရောက်မှုရှိပါတယ်။ ဒီအရင်းအမြစ်နဲ့ အခွင့်အလမ်းတွေ ရှားပါးလာချိန်မှာ ပြိုင်ဆိုင်မှုတွေ ဖြစ်ပွားလာတတ်ပါတယ်။ လူမျိုးစုတွေအကြားမှာ အဓိက ပြိုင်ဆိုင်မှုဖြစ်စေတတ်တာကတော့ စီးပွားရေး အရင်းအမြစ်များပဲ ဖြစ်ပါတယ်။ အလုပ်လက်မဲ့ပြဿနာနဲ့ အနာဂတ်အတွက် အခွင့်အလမ်းနည်းပါးမှု ဖြစ်ပွားလာချိန်တွေမှာ လူမျိုးစုတခုဟာ အခြားလူမျိုးစုများကို အပြစ်ရှာမှုတွေ ဖြစ်ပွားလာတတ်ပြီး၊ လူမျိုးစုများအကြား ပြိုင်ဆိုင်မှုတွေ ရှိလာတတ်ပါတယ်။

စီးပွားရေးအခွင့်အလမ်းတွေသာမက ဘာသာစကားသုံးစွဲမှုအခွင့်အလမ်း၊ ယုံကြည်ကိုးကွယ်မှု၊ အမျိုးသားရေးလက္ခဏာ၊ နိုင်ငံရေးအခွင့်အလမ်း၊ ဒေသတွင်း လူမျိုးစုအာဏာ စတဲ့ collective goods တွေနဲ့ ပတ်သက်ပြီးတော့လဲ လူမျိုးစုများအကြား ပြိုင်ဆိုင်မှုများ ရှိတတ်ကြောင်း နိုင်ငံရေးပညာရှင် Lake နဲ့ Rothchild တို့က ဖော်ပြထားခဲ့ကြပါတယ်။ နိုင်ငံရေးပညာရှင်များစွာရဲ့ သုတေသနပြုချက်တွေမှာ လူမျိုးစုများအကြား ပြိုင်ဆိုင်မှုကို တိုးမြင့်စေတဲ့ ယန္တရားများကို ဖော်ထုတ်ထားကြရာမှာ လူမျိုးစုများအပေါ် အခြေခံပြီး ကွဲပြားနေသော အလုပ်သမားဈေးကွက်၊ အလုပ်ခွင် ခွဲခြားသတ်မှတ်မှု စတာတွေကိုလဲ ထည့်သွင်းဖော်ပြထားကြပါတယ်။

(၂၀) ရာစုနှောင်းပိုင်းကာလမှာ လူမျိုးစုရေးရာ နိုင်ငံရေး၊ စီးပွားရေး ကွဲပြားမှုများကို ရည်ညွှန်းဖော်ပြတဲ့ “internal colonialism” ဆိုတဲ့ သဘောတရားတခု ထပ်မံပေါ်ထွက်လာခဲ့ပါတယ်။ ဒီသဘောတရားအရ နိုင်ငံအတွင်းမှာနေထိုင်တဲ့ လူမျိုးစုတခုဟာ လူ့အဖွဲ့အစည်းအတွင်းမှာ လွှမ်းမိုးချုပ်ကိုင်မှုရှိလာတဲ့အခါ အုပ်ချုပ်ရေးယန္တရားနဲ့ အခြားအင်စတီကျူးရှင်းများစွာမှာ သက်ဆိုင်ရာ လူမျိုးစုရဲ့ အာဏာကို တည်ဆောက်ထားလေ့ရှိပါတယ်။ ဒီလိုအခြေအနေကနေ ရုတ်ခြည်းနိုင်ငံရေးအခြေအနေ ပြောင်းလဲမှု တစုံတရာဖြစ်သွားချိန်မှာ အခြားလူမျိုးစုများရဲ့ အခွင့်အရေးများကို အသိအမှတ်ပြုပြီး နိုင်ငံတော် ယန္တရားများမှာ ထည့်သွင်းလာရတဲ့ အခြေအနေတွေ ရှိလာတတ်ပါတယ်။

ဒီအခါမှာ တချိန်က လွှမ်းမိုးချုပ်ကိုင်မှုရှိနိုင်ခဲ့တဲ့ အုပ်စုက သူတို့လူမျိုးစုရဲ့ ပါဝါတွေကို လျော့နည်းသွားမှာကို စိုးရိမ်စ ပြုလာရာက အမျိုးသားရေးဝါဒ (nationalism) အလွန်အမင်း ရှင်သန်ကြီးထွားလာပြီး၊ လူမျိုးစုများအကြား ယှဉ်ပြိုင်မှုတွေ ပေါ်ထွက်လာတတ်ပါတယ်။ လူမျိုးစုများ အကြားယှဉ်ပြိုင်မှု (Inter-ethnic competition) ဟာ အမြင်ကွဲပြားမှုများကို လက်မခံခြင်း၊ အုပ်စုကွဲပြားမှု သင်္ကေတလက္ခဏာများကို အလွန်အကျူးဖော်ဆောင်ခြင်း၊ ကွဲပြားခြားနားသူများကို ခွဲခြားဆက်ဆံခြင်း စတာတွေကနေတဆင့် လူမျိုးရေးအဓိကရုဏ်းများ၊ လူမျိုးစုအခြေပြု စစ်ပွဲများ ဖြစ်ပွားလာစေတတ်ပါတယ်။ ဒီလိုအခြေအနေတွေဟာ အာဏာရှင်စနစ်မှ ဒီမိုကရေစီအသွင် ကူးပြောင်းစ နိုင်ငံတွေမှာ ဖြစ်ပွားတတ်လေ့ရှိတဲ့အတွက် အသွင်ကူးပြောင်းမှု ဦးဆောင်နေသူများမှ အထူးသတိထား ကိုင်တွယ်သင့်တဲ့ အခြေအနေတရပ် ဖြစ်ပါတယ်။

(ဆက်လက်ဖော်ပြပါမည်)

ခင်မမမျိုး (၂၀၊ ၄၊ ၂၀၁၃)

 လူမျိုးစုရေးရာပဋိပက္ခများ  - အပိုင်း ၁


ပြိုင်တူတွန်းလျှင် ရွှေ့ နိုင်သည် ။