ပြည်သူ့ အကျိုးအတွက် ပိတ်တာလည်းဖွင့် အသစ်လည်းတင် မြန်မာ့ရုပ်ရှင် သူ့ တာဝန် သူကျေတယ်


၂ဝဝဝ ခုနှစ်မှ ၂ဝ၁၂ ခုနှစ်အထိ ၁ဝ နှစ်တာကာလတွင်း ပြသခွင့် ပိတ်ပင်ခံထားရသည့် ရုပ်ရှင်ကားများမှာ နာမည်ကြီး ဒါရိုက်တာများဖြစ်သည့် မိုက်တီး၊ မောင်မျိုးမင်း (ရင်တွင်းဖြစ်)၊ မီးပွား စသည့် ဒါရိုက်တာများ၏ ရုပ်ရှင်ကားများလည်း ပါဝင်သည်။

ပိတ်ပင်ခံခဲ့ရသည့် ရုပ်ရှင်ကား ဇာတ်အိမ်များအတွင်း မြန်မာနိုင်ငံ၏ လက်ရှိဖြစ်နေသည့် မြန်မာ့လူမှုဘဝ အဖြစ်အပျက် များကို နှိုင်းယှဉ်ပြထားပြီး ပြုပြင်ပြောင်းလဲရေးအတွက် ဇာတ်လမ်းဆင် ရိုက်ကူးထားသည့် ဇာတ်ကားအများစု ပါဝင်သည်ဟုလည်း ဦဇင်ဝိုင်းက ပြောသည်။
မြန်မာ့လူ့အဖွဲ့အစည်းအတွင်း ဖြစ်ပျက်နေသည့် လွဲမှားမှုများကိုလည်း ရုပ်ရှင်အဖြစ် ဖန်တီးကာ မီးမောင်းထိုးပြ ရိုက်ကူး တင်ဆက်က ပြည်သူသို့ အသိပေးလိုကြောင်း ဝန်ကြီးနှင့် တွေ့ဆုံမှုအတွင်း တင်ပြတောင်းဆိုခဲ့သေးသည်ဟုလည်း ဦးဇင်ဝိုင်းက ပြောသည်။

“ဥပမာ အရက်မူးနေတဲ့ ဆရာဝန်တယောက်ကြောင့် ခွဲခန်းထဲမှာ လူနာသေဆုံးတဲ့ အဖြစ်မျိုးတွေ ကျနော်တို့ ရိုက်ချင်ပြီ၊ အဂတိ လိုက်စားတဲ့ တရားသူကြီး တဦးကြောင့် အပြစ်မဲ့သူတဦး ထောင်ဒဏ် ကျခံသွားရတာမျိုး ကျနော်တို့ ရိုက်ချင် ပြီ။ မြေစိုက်တဲထဲက လူဆင်းရဲတွေဘဝကို ကျနော်တို့ ရိုက်ချင်ပြီ။ ဒါတွေဟာ ကျနော်တို့ အစိုးရကို ဆန့်ကျင်တာ မဟုတ်ဘူး။” ဟု ဦးဇင်ဝိုင်းက မဇ္ဈိမကိုပြောသည်

ထို့ အပြင် ဒါရိုက်တာဝိုင်းကလည်း 
နိုင်ငံတော် စီမံကိန်းများ အကြောင်းပြ၍ ပုဂ္ဂလိက ကုမ္ပဏီအချို့က လယ်မြေများ သိမ်းယူနေမှု များကို မှတ်တမ်းရုပ်ရှင်အဖြစ် ဖန်တီးရိုက်ကူးကာ မြန်မာနိုင်ငံအတွင်း ပြသနိုင်ရန် စီစဉ်နေသည်ဟု ရုပ်ရှင်ဒါရိုက်တာ ဝိုင်းက မဇ္ဈိမကို ပြောသည်။

“လယ်သမားတွေကလည်း ပေါ်တင် ပြောပါတယ်။ တိုင်းပြည်အတွက်ဆို လုပ်ပါ။ သူတို့ ရတယ် ငတ်ပါစေ။ တိုင်းပြည်
ကောင်းဖို့အတွက်ဆို သူတို့ ခံလိုက်မယ်ပေါ့။ အဲဒီလို မဟုတ်ဘဲနဲ့ ပုဂ္ဂလိက နာမည်တွေနဲ့ သိမ်းထားတာတွေပေါ့။ အဲဒီလိုဆိုတော့ နိုင်ငံအတွက်လည်း မဟုတ်ဘူး ဒီ Crony တွေ ကောင်းစားဖို့အတွက် သိမ်းတာကို ကျနော် မခံချင်
ဖြစ်တာဗျ။ အဲဒီလိုဟာတွေက မြန်မာပြည် အနှံ့မှာ ဖြစ်နေတဲ့အခါကျတော့ ဒါကို ကျနော် ရိုက်ပြသင့်တယ်လို့ထင်လို့ ကျနော်ရိုက်တာပါ” ဟု လယ်သမားများထံ ကွင်းဆင်း လေ့လာနေသည့် ဒါရိုက်တာ ဝိုင်း က ပြောသည်
“လယ်သမားတိုင်း ကြုံတွေ့နေရတဲ့ အဓိက ပြဿနာ တခုက ဘာလဲဆိုတာ ကျနော် ပိုပြီးတော့ မီးမောင်းထိုးပြချင် တာပါ။ ဒါတွေဟာ မလုပ်သင့်ပါဘူး ဆိုတာလည်း မီးမောင်း ထိုးပြချင်ပါတယ်။ သူတို့မှာ စားဝတ်နေရေးတွေ ကျန်းမာရေးတွေ ဆုံးရှုံးမှုတွေ ဖြစ်နေတယ်ဆိုတဲ့အချက်က အဓိက အရေးပါပါတယ်” ဟုလည်း ဝိုင်းက ပြောသည်။

အဆိုပါ မှတ်တမ်းရုပ်ရှင်အတွက် လယ်မြေသိမ်းယူမှု ဖြစ်စဉ်များ ဖြစ်ပေါ်နေသည့် ရန်ကုန်တိုင်း၊ မန္တလေးတိုင်း၊ တနင်္သာရီတိုင်း၊ ရှမ်းပြည်နယ်တို့သို့ ကွင်းဆင်းကာ ရိုက်ကူးမည်ဖြစ်ပြီး ရိုက်ကူးပြီးစီးချိန်တွင် တနိုင်ငံလုံးသို့ ဖြန့်ချိ
ပြသွားသွားမည်ဟု ဆိုသည်။

ထို မှတ်တမ်းတင် ရုပ်ရှင်ကား ရိုက်ကူးလိုမှုနှင့် ပတ်သက်၍လည်း အာဏာပိုင်များဘက်မှ တုန့်ပြန်နိုင်မှုနှင့် ပတ်သက်၍ “ဒီကားကတော့ သူတို့ရဲ့ သဘောထားကြီးမှုနဲ့ ဒီမိုကရေစီလမ်းပေါ် လျှောက်မလျှောက်ဆိုတာ ဒီကားက အဖြေပါပဲ” ဟု ဝိုင်းက ပြောသည်။

ကုမ္ပဏီများ မြေယာသိမ်းယူမှုနှင့် ပတ်သက်၍ ဇေကမ္ဘာကုမ္ပဏီနှင့် ရန်ကုန်တိုင်း မင်္ဂလာဒုံမြို့နယ်၊ ပုလဲမြို့သစ်
ရွှေနံ့သာနှင့် ပေါင်းကူရွာတို့မှ လယ်သမားတို့ အချင်းများလျက်ရှိနေပြီး ဇေကမ္ဘာကုမ္ပဏီသည် အဆိုပါဒေသရှိ
လယ်ဧက ၈၀၀ ကျော်ကို စက်မှုဇုန် စီမံကိန်းအတွက် ၂၀၁၀ ခုနှစ်အတွင်း သိမ်းယူခဲ့ခြင်း ဖြစ်သည်