ဆင်ချေးတုံးကော်ဖီ

ဆင်ချေးတုံးကနေထုတ်လုပ်တဲ့ ကော်ဖီဆိုတာ ရှိတယ် လို့ စနေနေ့က ထွက်လာတဲ့ AP သတင်းဆောင်းပါးတပုဒ်မှာ တွေ့ရပါတယ်။

ရွံစရာကြီး ဘယ်သူသောက်မှာလဲ လို့ မပြောလိုက်နဲ့၊
တခွက်ကို ဒေါ်လာ ငါးဆယ် ပေးရတယ် တဲ့။

မြန်မာငွေ လေးငါးသောင်းပေးမှ တခွက်ပဲ ရမယ့် ကော်ဖီ။

ကမ္ဘာ့ အထူးခြားဆုံးနဲ့ ဈေးအကြီးဆုံးထဲ ပါဝင်တဲ့ ဒီကော်ဖီကို ထုတ်လုပ်ရာ ထိုင်းမြန်မာနယ်စပ် ရွှေတြိဂံနားက ကော်ဖီပရောဂျက်မှာ ဆင်အကောင် ၂၀ လောက် ရှိတယ်လို့ ဆိုတယ်။


ပြီးခဲ့တဲ့လက ဒီကော်ဖီကို စတင် မိတ်ဆက်ကြတဲ့ နေရာများကတော့ ထိုင်း၊ ဒူဘိုင်း၊ မော်လဒိုက်တို့မှာရှိတဲ့ ဇိမ်ခံဟိုတယ်ကြီးတချို့ ဖြစ်တယ်လို့ ဆိုပါတယ်။

ဒီပရောဂျက်အတွက် သုံးခဲ့တဲ့ငွေပမာဏက ဒေါ်လာ သုံးသိန်းဖြစ်ပါတယ် တဲ့။

ကော်ဖီ ထုတ်လုပ်ပုံ အဆင့်ဆင့်ဆင်ချေးတုံးကော်ဖီရဖို့ ဆင်ကို ကော်ဖီသီး
ကျွေးရပါတယ်။ ကော်ဖီချည်းပဲ မဟုတ်ဘဲ ငှက်ပျောသီး၊ ကြံ အပါအ၀င် ဆင်စာတွေနဲ့ ရောစပ်ကျွေးရတာပါ တဲ့။

ဆင်က စားပြီး အစာချေဖို့ ၁၅ နာရီ ကနေ နာရီ ၃၀ အထိ လိုပါတယ်။
ပြီးရင် နောက်ဖေး သွားပါတယ်။ ဆင်ချေးတုံးထဲက ကော်ဖီစေ့တွေကို ခွာယူရပါတယ်။ အဲဒီကော်ဖီကို ကြိတ်လိုက်ရင် ကမ္ဘာ့ ထူးခြားဈေးများတဲ့ ကော်ဖီ ရပြီပေါ့။

“ဆင်က ကော်ဖီကို စားပြီးရင် သူ့အစာအိမ်မှာ ရှိတဲ့ အက်ဆစ်ဓာတ်က
ကော်ဖီထဲမှာ ရှိတဲ့ ပရိုတိန်းကို ချေဖျက်လိုက်တယ်။ အဲဒီပရိုတိန်းကြောင့်ပဲ
ကော်ဖီက ခါးနေတာ” လို့ ပရောဂျက်ကို အစပြုသူ ကနေဒါနိုင်ငံသား Blake Dinkin က ပြောပါတယ်။

ဒါဆို ဒီနည်းနဲ့ ကော်ဖီအရသာ အပြောင်းအလဲ ဖြစ်သွားပုံပါပဲ။

ဈေးကြီးရတဲ့ အကြောင်းရင်းထဲမှာ ကော်ဖီစေ့တွေ ကြေသွားတာလည်း ပါပါလိမ့်မယ်။ဆင်ချေးတုံးထဲ ကော်ဖီစေ့ ၁ ကီလို ရဖို့ ဆင်ကို ကော်ဖီ
၃၃ ကီလို ကျွေးခဲ့ရတယ် ဆိုပဲ။ ကော်ဖီစေ့ အများစုက ပါးစပ်ထဲ ဗိုက်ထဲမှာတင် ကြေသွားတဲ့သဘောပေါ့။

ဆင်က ကော်ဖီတွေ ဒီလောက် စားရပေမယ့် ဗိုက်ထဲ ရောက်သွားတဲ့ ကဖိန်းဓာတ်တွေက ဆင်ကို အန္တရာယ်မပေးဘူး လို့ သတင်းမှာရေးထားပါတယ်။

သောက်လို့ ကောင်းပါ့မလားဆင်ချေးတုံး ကော်ဖီ အရသာက အရမ်း အရမ်းကို ကောင်းတာပါပဲ လို့ ဆိုကြပါတယ်။

တယောက်ကတော့ ကော်ဖီ အရသာ ကောင်းလွန်းတယ်၊ ဘယ်လိုကောင်းတယ် ဆိုတာကို ရှင်းပြဖို့ စကားလုံး ရှာမတွေ့ဘူး ဆိုပဲ။ ဒါကြောင့်လည်း ဒီလောက် ဈေးမြောက်နေတာ ဖြစ်ပါလိမ့်မယ်။

ရွှေတြိဂံဆိုတာ မူးယစ်ဆေးထွက်ရာဒေသအဖြစ် နှစ်ပေါင်းများစွာ သိထားကြတာပါ။ ခုတော့ ရွှေတြိဂံ ဆိုတာ ကမ္ဘာ့ အထူးခြားဆုံး နဲ့ ဈေးအမြင့်ဆုံး ကော်ဖီတမျိုးဖြစ်တဲ့ ဆင်ချေးတုံးကော်ဖီ ထွက်တဲ့ ဒေသ ဖြစ်နေပါတော့တယ်။

ဒီသတင်းဆောင်းပါးကို နေရာအနှံ့မှာ ဖော်ပြနေကြပြီး
- ဒေါ်လာငါးဆယ်တန်ကော်ဖီခွက်ကို ဆင်ချေးနဲ့ဖြည့်
- ယူရိုလေးဆယ်တန်ကော်ဖီခွက်ထဲ ဆင်ချေးတုံးကျ
- ကနေဒါသားက ဆင်ချေးတုံးကို ဈေးကြီးကြီးကော်ဖီအဖြစ် ပြောင်းလဲ
- တြိဂံဒေသက ပိုက်ဆံလုပ်တဲ့စက်အသစ်
စသဖြင့် စသဖြင့် ခေါင်းစည်းတပ်ထားကြတာ တွေ့နေရပါတယ်။

ဆင်ချေးတုံးကြောင့် ကနေဒါက ဆရာ အလုပ်ဖြစ်သလို မီဒီယာသမားတွေလည်း နှစ်နှစ်ခြိုက်ခြိုက် ဖော်ပြနေတယ်လို့ ဆိုရပါမယ်။

ဧရာဝတီ