'' ၀မ်ပေါင်ကုမ္ပဏီက ၂၀၁၀ ပြည့်နှစ်မှာ မြန်မာ့စီးပွားရေးဦးပိုင်လီမိတက်နဲ့ တိုင်ပင်ပြီးလုပ်ငန်းတွေ စတင်ခဲ့ပါတယ်။ ရွာသားတွေ ရဲ့မြေယာကိုရယူရာမှာ မြန်မာနိုင်ငံရဲ့ ဥပဒေများနဲ့ ကိုက်ညီတဲ့ စီမံကိန်းဖြစ်ပါတယ်။ အဲဒီအချိန်က မြန်မာဥပဒေအရ မြေတစ်ဧကကို ၅၀၀၀ ကျပ်ပဲရှိတဲ့အချိန်မှာ ၀မ်ပေါင်နဲ့ ပူးပေါင်းဆောင်ရွက်တဲ့ မြန်မာကုမ္ပဏီနဲ့ ပြည်သူရဲ့လိုအပ်ချက်ကို ညှိနှိုင်းပြီးတော့ တစ်ဧကကို ကျပ် ၅ သိန်း ၅ သောင်း လျော်ပေးခဲ့ပါတယ်'' ဟု သံအမတ်ကြီးက ပြောကြားခဲ့သည်။
ထို့ပြင် ဒေသခံပြည်သူများအတွက် နေထိုင်စရာအိမ်၊ ဆေးရုံ၊ စာသင်ကျောင်း၊ ဘုန်းကြီးကျောင်းများ ဆောက်လုပ်ပေးရန် စီစဉ်ထားရှိကြောင်း ပြောကြားခဲ့သည်။
'' လက်ရှိအချိန်ထိ ရွာသူရွာသားတွေနေဖို့ အိမ်ခြေ ၂၀၀၊ မူလတန်းကျောင်း တစ်ကျောင်း၊ ဆေးရုံ တစ်ရုံ၊ ဘုန်းကြီးကျောင်း တစ်ကျောင်း တည်ဆောက်ပေးပြီး ဖြစ်ပါတယ်'' ဟု ၎င်းက ရှင်းလင်း ပြောကြားခဲ့သည်။ထိုကဲ့သို့ ၀မ်ပေါင်ကုမ္ပဏီမှ ဆောင်ရွက်ပေးမှုများကို ကျေနပ်မှုမရှိပါက လက်ရှိဥပဒေနှင့်အညီ ညှိနှိုင်းတောင်းဆိုနိုင်သည်ဟု ၎င်းကဆိုသည်။
'' ဒေသခံတွေက အထင်လွဲလို့ အရင်တုန်းက အသေးစိတ်သတင်းတွေကို မသိလို့ ယခုဆောင်ရွက်နေတဲ့ စီမံကိန်းတွေကို ရပ်ဆိုင်းလိုက်မယ်ဆိုရင် နောင်မှာ လာရောက်ရင်းနှီးမြှုပ်နှံချင်တဲ့ ကုမ္ပဏီများအတွက် ကောင်းကျိုးမရှိနိုင်ပါဘူး'' ဟု သံအမတ်ကြီးက သုံးသပ်သည်။လက်ပံတောင်းတောင် ကြေးနီစီမံကိန်းအတွက် ၀မ်ပေါင်ကုမ္ပဏီမှ ရင်းနှီးမြှုပ်နှံငွေမှာ အမေရိကန် ဒေါ်လာ တစ်ဘီလျံဖြစ်ပြီး လုပ်ငန်းလုပ်ကိုင်ကာလမှာ နှစ် ၃၀ ဖြစ် သည်။
''အကျိုးအမြတ်ခွဲဝေမှုမှာ ထွက်လာသမျှ ပစ္စည်းအပေါ်မှာ ခွဲဝေယူခြင်းဖြစ်ပြီး ကုန်ကျငွေကို ဖယ်ပြီး ကျန်တာကို မြန်မာအစိုးရ က ၁၆ ဒသမ ၈ ရာခိုင်နှုန်း၊ မြန်မာစီးပွားရေးဦးပိုင်လီမိတက်မှ ၁၃ ဒသမ ၈၊ ၀မ်ပေါင်မှ ၁၃ ဒသမ ၃ ရာခိုင်နှုန်းနဲ့ ခွဲဝေထားတာ ဖြစ်ပါတယ်။ ရင်းနှီးမြှုပ်နှံတာက ၀မ်ပေါင်ကုမ္ပဏီပဲ ဖြစ်ပေမယ့် ၃ ဖွဲ့ခွဲဝေယူကြတာပါ'' ဟု ၎င်းက ဆက်လက် ပြောကြားသွားခဲ့သည်။
လက်ပံတောင်းတောင် ကြေးနီတူးဖော်မှု စီမံကိန်းကို ယူဂိုစလား ဗီးလား၊ ကနေဒါနိုင်ငံများမှ စတင်ခဲ့ခြင်းဖြစ်ပြီး တရုတ်နိုင်ငံမှ တတိ ယမြောက် စီမံကိန်းလုပ်ကိုင်သည့် နိုင်ငံဖြစ်ကြောင်း သိရသည်။
(EMG)
ပြိုင်တူတွန်းလျှင် ရွှေ့ နိုင်သည် ။
No comments:
Post a Comment