Category: မြန်မာ့ပညာရေးသတင်းPublished on Monday, 13 February 2012 03:22Written by မြတ်ပန်းရှင်
အာဆီယံအထွေအထွေအတွင်းရေးမှူးချုပ်က မြန်မာပြည်သူများအပေါ် စီးပွားရေးလုပ်ငန်းများ၏ ခေါင်းပုံဖြတ် အမြတ်ထုတ်နေမှုအပေါ် စိုးရိမ်မိပါကြောင်း ထုတ်ဖော်ပြောဆိုလိုက်ပါသည်။
"ဘန်ကောက်နဲ့ စင်္ကာပူမှာ စုဝေးနေကြပြီး မြန်မာ့ သယံဇာတနဲ့ အခွင့်အလမ်းအပေါ်မှာ ခေါင်းပုံဖြတ်အမြတ်ထုတ်ဖို့ ကြံရွယ်နေကြတဲ့ ဒီလူတွေနဲ့ ပတ်သက်လို့ ကျနော် စိုးရိမ်မိတယ်" ဆူရင်ပစ်ဆူဝန်က Myanmar Times နှင့် အင်တာဗျူးတွင် ပြောကြားခဲ့သည်။
၁၉၆၂ ခုနှစ်မှ ၂၀၁၀ အထိ စစ်တပ်အုပ်ချုပ်ရေးအောက်တွင် ရှိခဲ့သော မြန်မာနိုင်ငံသည် သမ္မတဦးသိန်းစိန်အစိုးရ ဖွဲ့စည်းပြီးသည့်နောက်ပိုင်းတွင် ပြုပြင်ပြောင်းလဲမှုများကို လုပ်ဆောင်လျက်ရှိသည်။ နှစ်ပေါင်းများစွာ တံခါးပိတ်မူဝါဒ ကျင့်သုံးခဲ့သည့်တိုင်းပြည်တွင် ဒီမိုကရေစီစနစ်နှင့် တံခါးဖွင့် ဈေးကွက်စီးပွားရေးစနစ်သို့ ဦးတည်လျက်ရှိသည့်အတွက် အကောင်းမြင်မှုများရှိနေပါသည်။
၁၉၈၈ ခုနှစ်ကတည်းက စီးပွားရေးပိတ်ဆို့ ဒဏ်ခတ်မှုများကို ကျင့်သုံးခဲ့သည့် အနောက်တိုင်းအစိုးရများအနေဖြင့်လည်း ဦးသိန်းစိန်၏ ပြုပြင်ပြောင်းလဲမှုများအပေါ်တွင် ပိတ်ဆို့မှုများကို ဖယ်ရှားခြင်းဖြင့် ဆုပေးစနစ်ကို ပြန်လည်ကျင့်သုံးရန် စဉ်းစားနေကြပြီဖြစ်သည်။
ဖေဖေါ်ဝါရီလ ၁၉ မှ ၂၂ ရက်နေ့အထိ မြန်မာနိုင်ငံသို့ လည်ပတ်မည့် ဆူရင်က နိုင်ငံခြားရင်းနှီးမြှုပ်နှံမှုများ အလျင်စလို ၀င်ရောက်နေခြင်းသည် အကျိုးစီးပွား မညီမျှမှုများသို့ ဦးတည်နေကြောင်းဖြင့် စိုးရိမ်မှုကို ထုတ်ဖော်ပြောဆိုခဲ့သည်။
"မြန်မာရဲ့ မိတ်ဆွေတွေအနေနဲ့ လုပ်ဖို့လိုအပ်တာကတော့ ပြည်သူလူထုရဲ့ သက်သာချောင်ချိရေးဟာ အရေးအကြီးဆုံးဖြစ်တယ်ဆိုတာကို မြန်မာခေါင်းဆောင်တွေကို သတိပေးသင့်တာပါ။" သူက ဆွေးနွေးခဲ့သည်။
"စီးပွားရေးစိတ်ဝိညာဉ်ဟာ ကျောင်းတွေ၊ ဆေးရုံတွေ၊ ၀န်ဆောင်မှုတွေ၊ ရေသန့်ရရှိမှု စတဲ့အရာတွေအပေါ်မှာ လွှမ်းမိုးမသွားဖို့ပါ။ ဒီပွင့်လင်းလာမှုဟာ မညီမျှမှုတွေနဲ့ အဖျက်အဆီးတွေ ပိုဖြစ်လာမှာကို ကျနော်တို့ မလိုလားပါဘူး။"
ရွေးကောက်တင်မြှောက်ထားသည်ဆိုသော အစိုးရမှာ စစ်တပ်နောက်ခံဖြစ်ပြီး စစ်အရာရှိဟောင်းများ ပါဝင်နေပါသည်။ ဆယ်စုနှစ်ပေါင်းများစွာ စစ်တပ်က အုပ်ချုပ်ခဲ့ခြင်းကြောင့် တဖွဲဖွဲ ၀င်ရောက်နေသည့် နိုင်ငံခြား ရင်းနှီးမြှုပ်နှံမှုများ၏ အကျိုးစီးပွားကို စစ်တပ်ကသာ ခံစားခွင့်ရရှိမည့် အနေအထားဖြစ်နေသည်။
ထိုင်းနိုင်ငံခြားရေးဝန်ကြီးဟောင်းဖြစ်သူ ဆူရင်၏ အာဆီယံအတွင်းရေးမှူးချုပ် ငါးနှစ် ရာထူးသက်တမ်းမှာ ယခုနှစ်တွင် ကုန်ဆုံးတော့မည်ဖြစ်သည်။ မြန်မာနိုင်ငံ၏ ပြုပြင်ပြောင်းလဲမှုများ တည်မြဲခိုင်မာမှုအပေါ်တွင် သူက မေးခွန်းထုတ်ထားသည်။
"ထိပ်ပိုင်းရဲ့ ပြုပြင်ပြောင်းလဲမှုတွေဟာ အောက်ခြေအဆင့် အစိုးရဌာနတိုင်းကို သက်ရောက်မှုရှိနေတယ်ဆိုတဲ့ အထင်ကရ ပြောင်းလဲမှု မြင်ကွင်းကို ကျနော်တို့ တွေ့မြင်ချင်တာဖြစ်တယ်။ ဒီအချက်ကို ခိုင်မြဲစေသင့်တယ်၊ ဖွံ့ဖြိုးစေသင့်တယ်။ ထင်သာမြင်သာဖြစ်သင့်တယ်။" ဆူရင်က ပြောပြခဲ့သည်။
၁၉၉၇ ခုနှစ်တွင် အဖွဲ့ဝင်ဖြစ်ခဲ့သည့် မြန်မာသည် ၂၀၁၄ ခုနှစ်တွင် အာဆီယံ ဥက္ကဌတာဝန်ကို ထမ်းဆောင်ခွင့်ရရှိထားသည်။ အာဆီယံ ၁၀ နိုင်ငံတွင် ထိုင်း၊ မြန်မာ၊ ကမ္ဘောဒီးယား၊ ဗီယက်နမ်၊ အင်ဒိုနီးရှား၊ ဖိလစ်ပိုင်၊ လာအို၊ ဘရူးနိုင်း၊ စင်္ကာပူနှင့် မလေးရှားတို့ ပါဝင်ကြသည်။
မြတ်ပန်းရှင်
Source: DPA/ Asia-Pacific News
No comments:
Post a Comment