စာအမှတ် ။ ။မ/ လ/ အ / ၀၀၇/သပ ၀၀၂/ ၁၂
နေ့စွဲ ။ ။ ၁၂. ၂ . ၂၀၁၂
ပြည်ထောင်စုဘွားနိုင်သားများထံသို့ မြန်မာနိုင်ငံလူထုလှုပ်ရှားမှုအင်အားစုမှ ပေးပို့သော (၆၅)နှစ်မြောက် ပြည်ထောင်စုနေ့ သ၀ဏ်လွှာ
ယနေ့ ကျရောက်လာသည့် ၂၀၁၂ ခုနှစ် ဖေဖော်ဝါရီလ ၁၂ ရက်နေ့သည် ၆၅ နှစ်ပြည့် ပြည်ထောင်စုနေ့ဖြစ်သည်။ ကျွန်ူပ်တို့အမှီသဟဲပြုပြီးနေထိုင်သော ပြည်ထောင်စုမြန်မာနိူင်ငံသည် မည်သည့်နိူင်ငံနှင့်မှ မတူညီသည့် ထူးခြားချက်မှာ တိုင်းရင်းသားပေါင်းစုံတို့ဖြင့် ဖွဲ့စည်းတည်ထောင်ထားသည့် နိူင်ငံဖြစ်သည်။ ထို့အပြင် မတူကွဲပြားသည့် ဘာသာစကား၊ ရိုးရာယဉ်ကျေးမှု၊ ဓလေ့ထုံးတမ်း များ ကွဲပြားခြားနားစွာ ဖြင့်ဖွဲ့စည်းထားပြီး ရေမြေတောတောင် သဘာဝအနေအထားအရလည်း လှပသာယာ ပျော်ရွှင်ဘွယ်ရာကောင်းပြီး သယံဇာတပေါကြွယ်ဝသောနိုင်ငံဖြစ်သည်။
ဗိုလ်ချုပ်အောင်ဆန်းဦးဆောင်ကာတိုင်းရင်းသားခေါင်းဆောင်ကြီးများသည် တောင်ပေါ်မြေပြန့် အတူတကွ လွတ်လပ်ရေးရယူရန် ၁၉၄၇ ခုနှစ်ဖေဖော်ဝါရီလ ၁၂ ရက်နေ့တွင် ရှမ်းပြည်နယ် ပင်လုံမြို့၌ ပင်လုံစာချုပ်ကို ချုပ်ဆိုခဲ့သည်။ ထို ပင်လုံစာချုပ်၏ အဓိပ္ပါယ်မှာ မြန်မာ အပါဝင် တိုင်းရင်းသားအချင်းချင်း စည်းလုံးညီညွတ်ရေးကို ရည်ညွန်းပြီး လွတ်လပ်ရေးရအောင်ကြိုးပန်းခဲ့သည့် အဓိပ္ပါယ်ကို ဖေါ်ဆောင်သည်။ ၁၉၄၇ ခုနှစ်တွင် ရည်းမှန်းချက်ကောင်းတွေချမှတ်ခဲ့ကြသည့် ဗိုလ်ချုပ်အောင်ဆန်းအပါဝင် တိုင်းရင်းသားခေါင်းဆောင်ကြီးများ ကံအကြောင်းမလှ၍ လုပ်ကြံ ခံလိုက်ရပြီးနောက်ပိုင်း မြန်မာလွတ်လပ်ရေးနှင့်အတူ ပြည်တွင်းစစ်မီးလည်း ယနေ့ထက်တိုင် တောက်လောင်နေဆဲဖြစ်သည်။
လက်ရှိ- အစိုးရ၏ ပြောင်းလဲမှုများကို ကျွန်ူပ်တို့ (မလအ) မှ ထောက်ခံကြိုဆိုသော်လည်း ယနေ့ တိုင်းရင်းသားများဒေသများတွင် လိုအပ်နေသည့် စီးပွါးရေး ဖွံ့ဖြိုးမှုများတွင် လိုအပ်သည့်လမ်းပမ်းဆက်သွယ်ရေးကောင်းမွန်မှု၊
ပညာရေးစောင့်လျှောက်မှု၊ ကျမ္မာရေးစောင့်ရှောက်မှု၊ လူမှုရေးစောင့်ရှောက်မှုများကို လက်ရှိအစိုးရအနေဖြင့် ဖြည့်ဆည်းပေးရန်လိုအပ်သေးသည့်အပြင်- တစ်နိူင်ငံလုံးအတိုင်းအတာအရ အပစ်ခတ်ရပ်စဲရေးနှင့်ကျန်ရှိနေသည့် နိူင်ငံရေးအကျဉ်းသားများအားလုံးကို ချွင်းချက်မရှိ လွှတ်ပေးရမည်။ထို့အပြင်- မြန်မာနိူင်ငံတွင် ဖြစ်ပွါးနေသည့် လူ့အခွင့်အရေးချိုးဖောက်မှုများရပ်တန့် စေရန် အမြန်ဆုံးအကောင်အထည် ဖေါ်ဆောင်ရွက်သွားရန် လိုအပ်ပါသည်။
ယနေ့ ဒေါ်အောင်ဆန်းစုကြည်၏ တွေ့ဆုံဆွေးနွေးအဖြေရှာရေးသည် နှစ်ဘက်စလုံးအနိုင်ရရန် တွေ့ဆုံဆွေးနွေးပွဲဖြစ်သည်။
လက်ရှိ- အစိုးရ၏ ပြုပြင်ပြောင်းလဲရေးဖြစ်သည့် မြစ်ဆုံရေကာတာတည်ဆောက်ရေးကိစ္စရပ်ဆိုင်းခဲ့ခြင်း။ နိုင်ငံရေးအကျဉ်းသားအများစုလွတ်မြောက်လာခြင်းနှင့် တိုင်းရင်းသားလက် နက်ကိုင်အဖွဲ့အစည်းများအား ငြိမ်းချမ်းရေးအတွက်တွေ့ဆုံဆွေးနွေး လက်မှတ်ထိုးခဲ့သည့်အနေအထားများအပေါ် ကျွန်ပ်တို့ (မလအ)မှ ကြိုဆိုပါသည်။ သို့ရာတွင်ပြည်တွင်းငြိမ်းချမ်းရေးနှင့် အပြစ်အခတ်ရပ်ဆိုင်းရေးကြိုးပန်းချက်သည် ကချင်ပြည်နယ်အတွင်း ထိရောက်စွာ မပြုလုပ်နိူင်သေးသည့်အပေါ် ကျွန်ူပ်တို့ (မလအ)မှ စိုးရိမ်သံသယကို ဖြစ်စေခဲ့ပါသည်။
ထို့အပြင် နိုင်ငံရေးအကျဉ်းသားများလွတ်မြောက် လာသော်လည်း နှောင်ကြိုး မကင်းသည့် အချက်ပါရှိမူကြောင့် ကျွန်ုပ်တို့မှ လွတ်မြောက်လာမှုအပေါ် ကြိုဆိုသော်ငြားလည်း စိတ်အနှောက်အယှက်များစွာ ဖြစ်ရပါသည်။ ပြည်ထောင်စုမြန်မာနိုင်ငံသည်ဒီမိုကရေစီ လမ်းကြောင်းပေါ်အမှန်လျှောက်လှမ်း လိုပါကဒီမိုကရေစီရေရှည်တည်တန့်ခိုင်မာစေ မည့်အခြေအနေအထားများ ကိုဖန်တီးဖေါ်ဆောင်နိုင်ရန် မြန်မာအပါအ၀င်တိုင်းရင်းသားများ၏ ကိုယ်ပိုင်ပြဌာန်းခွင့်နှင့်တဆက် တစပ်တည်းဖက်ဒရယ်စနစ်သည်ခွဲထွက်ရေးမဟုတ်ပိုမိုအားကောင်းသည့်ပေါင်းစည်းခြင်းပုံစံကိုမြန်မာနိုင်ငံသားများနှင့်ရင်းနှီးမှုရှိ လာစေရန်ဖက်ဒရယ်နှင့်ပတ်သက်သည့်လုပ်ငန်းစဉ်များချမှတ်ဆောင်ရွက်ရန်လိုအပ်ပါသည်။ သို့မှသာမြန်မာအပါဝင်တိုင်း ရင်းသား အားလုံးပါဝင်သည့်ပင်လုံညီလာခံထက်ကြီးမားပြည့်စုံပြီးအနှစ်သာရရှိသည့်ပြည်ထောင်စုကြီးကိုဖေါ်ဆောင်နိုင် မည်ဟုယုံကြည် ပါသည်။
အနှစ်သာရ မဲ့ခဲ့သည့်ပြည်ထောင်စုနေ့ကို စုစည်းညီညွတ်ခဲ့ကြသည့်အာဇာနည်ခေါင်းဆောင်ကြီးများ၏ ပင်လုံစိတ်ဓါတ် တခုကိုဦးထိပ်ထားကာနှစ်စဉ်ကျင်းပခဲ့ခြင်းဖြစ်သည်။အနှစ်သာရပြည့်ဝပြီး ပင်လုံစိတ်ဓါတ်ရေရှည် တည်တန့် ခိုင်မာသည့် ပြည်ထောင်စုနေ့ ကိုပြည်ထောင်စုမြန်မာနိုင်ငံ တော်အတွင်းနေထိုင်ကြသောမြန်မာ အပါဝင်တိုင်းရင်းသားများ အားလုံးနှင့်မြန်မာနိုင်ငံသားတို့ကတခဲနက်ကျင်းပနိုင်ရန်တောင်းတမျှော်လင့်ခဲ့တာနှစ်ပေါင်းခြောက်ဆယ်ကျော်ခဲ့ပြီးဖြစ်ပါသည်။ ထိုတောင်းတမျှော်လင့်မှုကို ဆောင်ရွက်ဖြည့်ဆည်းပေးနိုင်ပါရန်(မလအ)မှအလေးအနက်တိုက်တွန်းတောင်းဆိုအပ်ပါသည်။
ထို့ အပြင် ယနေ့ကျရောက်လာသည့် ၆၅ နှစ်ပြည့် ပြည်ထောင်စုနေ့တွင် ကျန်ရှိနေသည့် နိုင်ငံရေးအကျဉ်းသားများအားလုံး ချွင်းချက်မရှိ အမြန်ဆုံးလွတ်မြောက်နိုင်စေရေးဆောင်ရွက်ပေးရန်နှင့် တစ်နိူင်ငံလုံးအတိုင်းအတာအရ အပစ်ခတ်ရပ်စဲပေးပါရန် ကျွန်ူပ်တို့ မှ တိုင်းရင်းသားများအား သဝဏ်လွှာပေးပို့လိုက်ပြီး လက်ရှိ အစိုးရအား အလေးအနက်တောင်းဆိုလိုက်သည်။
မြန်မာနိူင်ငံလူထုလှုပ်ရှားမှု့ အင်အားစုများ
သတင်းနှင့်ပြန်ကြားရေးဌာန
No comments:
Post a Comment