ပြီးခဲ့တဲ့ ဇန်န၀ါရီလ ၁၃ ရက်နေ့က လွတ်ငြိမ်းချမ်းသာခွင့်နဲ့ မိုင်းဆတ် အကျဉ်းထောင်ကနေ ပြန်လည် လွတ်မြောက်လာတဲ့ ကျောင်းသားခေါင်းဆောင် ကိုကိုကြီးဟာ သရက်မြို့ကို
ဖေဖော်ဝါရီလ ၂၁ ရက်နေ့က သွားရောက် ခဲ့ပါတယ်။ ဒီခရီးစဉ်အတွင်း ထောင်နဲ့ချီတဲ့ သရက်မြို့ဒေသခံတွေက ကျောင်းသားခေါင်းဆောင် ကိုကိုကြီးတို့ကို ကြိုဆို ခဲ့ကြသလို
ကိုကိုကြီးကလည်း သရက်မြို့ အမျိုးသားဒီမိုကရေစီ အဖွဲ့ချုပ်ရုံး ဆိုင်းဘုတ်ဖွင့်ပွဲကို သွားရောက်ပြီး စာပေစီစစ်ရေးက ဖြတ်တောက်ခဲ့တဲ့ သူ့ရဲ့ထောင်တွင်း အတွေ့အကြုံ ပြောစကား
တွေကိုလည်း ဒေသခံတွေကို သူကပြန်ပြောပြ ခဲ့ပါတယ်။ ဒါ့အပြင် လာမယ့် ကြားဖြတ် ရွေးကောက်ပွဲမှာ ကိုယ်ပေးမယ့် မဲတစ်ပြားအပေါ် အလေးအနက်ထားဖို့ သရက်မြို့ဒေသခံတွေကို
သူက တိုက်တွန်း ခဲ့ပါတယ်။
No comments:
Post a Comment