ပြောဘဲနေရရောဟယ် - - -

သိပ်မလောသင့်ကြောင်း စီးပွားရေး လုပ်ငန်းရှင်များကို ဒေါ်စု သတိပေး

မြန်မာ့ပညာရေးသတင်း

ဒေါ်အောင်ဆန်းစုကြည်ရဲ့ ရိုးရှင်းတဲ့ မျှော်မှန်းချက်က လာမယ့်ဆယ်စုနှစ်မှာ မြန်မာ့စီးပွားရေးကို အိမ်နီးချင်း နိုင်ငံတွေထက် ကျော်တက် သွားစေချင်တာပါ။ ဒီလိုအောင်မြင်မှုတွေ ဖြစ်ပေါ်စေဖို့ နိုင်ငံရေး ပြုပြင်ပြောင်းလဲမှု လုပ်ဖို့အရေးကြီးပါတယ်။ နိုင်ငံရေး ပြုပြင်ပြောင်းလဲမှုနှင့်အတူ စီးပွားရေး ပြောင်းလဲမှုက နောက်ကနေ လိုက်လာမှာပါဟု ဒေါ်အောင်ဆန်းစုကြည်က ပြောဆိုခဲ့သည်။ မြန်မာနိုင်ငံနှင့် စီးပွားရေး လုပ်ငန်းရှင်တွေပါ နှစ်ဦးနှစ်ဘက် ကောင်းဖို့ ရင်းနှီးမြှုပ်နှံမှု မလုပ်မီ စောင့်ကြည့်တဲ့ မူဝါဒကို သုံးသင့်ကြောင်း အာဆီယံ စီးပွားရေးကောင်စီ လုပ်ငန်းရှင် ၁၂ ဦးကို ပြောဆိုခဲ့ပါသည်။

အာဆီယံလုပ်ငန်းရှင် (၁၂) ဦးဟာ မြန်မာ့စီးပွားရေး အခြေအနေတွေကို လေ့လာဖို့ နေပြည်တော်က တာဝန်ရှိသူတွေ၊ မြန်မာ့စီးပွားရေး လုပ်ငန်းရှင်တွေနဲ့ တွေ့ဆုံမှုအပြီး မြန်မာ့ဒီမိုကရေစီ ခေါင်းဆောင်နဲ့ တွေ့ဆုံခဲ့ပါတယ်။

“ကျေနပ်တယ်လို့ မပြောလိုပါဘူး၊ ကျေနပ်လောက်တဲ့ ပြုပြင်ပြောင်းလဲမှုတွေ အများကြီး လုပ်ရဦးမှာပါ၊ ခိုင်မာတဲ့ပြုပြင်ပြောင်းလဲမှုနဲ့ လမ်းကြောင်းမှန်ပေါ်ကို ရောက်ဖို့ လိုအပ်ပါသေးတယ်” ဟု အာဆီယံ စီးပွားရေးကောင်စီနှင့်အတူ လိုက်ပါသွားသော သတင်းထောက်များကို ပြောဆိုခဲ့သည်။ နိုင်ငံခြား စီးပွားရေးလုပ်ငန်းရှင်များ မြန်မာနိုင်မှာ ရင်းနှီးမြှုတ်ဖို့ စိတ်ဝင်စားတာကိုကြိုဆိုပေမယ့် ပြောင်းလဲမှုအတွက် အဆင်သင့်မဖြစ်မှာကို ဒေါ်အောင်ဆန်းစုကြည်က စိုးရိမ်ပါတယ်။
“ကျမနဲ့ စီးပွားရေး လုပ်ငန်းရှင်တွေ ဆွေးနွေးခဲ့ကြတာက ရင်းနှီးမြှုပ်နှံမှုဆိုင်ရာ ဥပဒေနှင့် တရားဥပဒေ စိုးမိုးရေး အရေးကြီးပုံကို ဆွေးနွေးခဲ့ ကြတယ်” ဟုဒေါ်အောင်ဆန်းစုကြည်က ပြန်လည်ပြောဆိုခဲ့တယ်။  တနာရီကြာ ဆွေးနွေးခဲ့ကြတဲ့အထဲမှာ စိုက်ပျိုးရေးအခြေခံ စီးပွားရေး ရင်းနှီးမြှုပ်နှံဖို့ ဆွေးနွေးခဲ့ကြပါတယ်။
“ရင်းနှီးမြှုပ်နှံမှုအတွက် ၀င်လာကြဖို - မလာကြနဲ့ဦး ဆိုတဲ့ကိစ္စ မဟုတ်ပါဘူး၊ ဘယ်လိုရင်းနှီးမြှုပ်နှံမှုတွေကို ဘယ်လောက်ဖွင့်ပေးမှာလဲဆိုတဲ့ ကိစ္စလို့ ကျမမြင်တယ်။ ဒါကို ကျမတို့စိုးရိမ်ပါတယ်။ ကျမတို့ လိုချင်တဲ့ပြောင်းလဲမှုအတွက် ဘယ်လိုအကျိုးဖြစ်ထွန်းစေမှာလဲ ကျမတို့သိချင်တယ်။ ရေရှည် ရင်းနှီးမြှုပ်နှံမှုတွေလိုချင်ပါတယ်။ ရေတိုအတွက်လည်း ဒီရင်းနှီးမြှုပ်နှံမှုက ပြုပြင်ပြောင်းလဲရေးအပေါ် အကျိုးရှိစေပြီး ကောင်းရာကောင်းကျိုးတွေ မြန်မြန်ဆန်ဆန် ဖြစ်လာနိုင်မှာလား။ အရှိန်မြန်မြန်နဲ့ လုပ်ကြဖို့လည်း ကျမတို့ စဉ်းစားသင့်ပြီ။ သူများနောက်မှာ ကျန်နေကြရတော့ အမီ လိုက်ဖို့ လိုတယ်။ အားလုံးကောင်းသွားမှာလို့ ကျမတို့ မပြောနိုင်ဘူး။ ဒီလိုပြောနေရုံနဲ့လည်း ဘာအလုပ်မှ ဖြစ်လာမှာ မဟုတ်ဘူး” ဟု ဒေါ်အောင်ဆန်းစုကြည်မှ ပြောဆိုခဲ့ပါတယ်။
စီးပွားရေး ပြုပြင်ပြောင်းလဲမှုနှင့်အတူ နိုင်ငံရေးပြောင်းလဲမှုတွေပါ တချိန်တည်း ဖြစ်ဖို့ အလေးထားပါတယ်။ တရားဥပဒေ စိုးမိုးမှုရှိမှာသာ အကျင့်ပျက်ခြစားမှု တိုက်ဖျက်ရေး လုပ်ရာမှာ ကူညီနိုင်မှာ ဖြစ်ပါတယ်။ တရားရေးစနစ် ပြုပြင်ပြောင်းလဲမှု မရှိဘဲ ကောင်းမွန်တဲ့ စီးပွားရေး ပြောင်းလဲမှု မဖြစ်နိုင်ပါဘူးဟု အာဆီယံ စီးပွားရေး လုပ်ငန်းရှင်များကို ပြောဆိုခဲ့ပါတယ်။
အာဆီယံ စီးပွားရေး လုပ်ငန်းရှင်များဟာ မြန်မာ့အစိုးရ အဖွဲ့ဝင်တွေနဲ့ တွေ့ဆုံခဲ့ပါသေးတယ်။ မြန်မာ့ အစိုးရဘက်ကတော့ နိုင်ငံခြား ရင်းနှီးမြှုပ်နှံမှု တွေအတွက် ဥပဒေတွေကို လာမယ့်လတွေမှာ ပြောင်းလဲတော့မှာ ဖြစ်ကြောင်း ပြောဆိုခဲ့ပါတယ်။ အာဆီယံ စီးပွားရေးကောင်စီရဲ့ အဖွဲ့ခေါင်းဆောင် CIMB အုပ်စုရဲ့ အမှုဆောင်အရာရှိချုပ် Nazir Razak မှ မြန်မာအစိုးရ အနေဖြင့် ရင်းနှီးမြှုပ်နှံမှု ဆိုင်ရာ ဥပဒေကို ရှင်းလင်းစွာ ပြဌာန်းပေး ဖို့လိုကြောင်း မှတ်ချက် ပေးခဲ့ပါတယ်။
CIMB ရဲ့ အာဆီယံ သုတေသန အင်စတီကျု အမှုဆောင်အရာရှိချုပ် John Pang မှ မြန်မာနိုင်ငံဟာ အာဆီယံဒေသအတွက် မဟုတ်ဘဲ ဒေသတခုလုံးအတွက် စီးပွားရေး အခွင့်အလမ်းကောင်းတွေရှိကြောင်း ပြောဆိုခဲ့ပါတယ်။ “မြန်မာနိုင်ငံဟာ အရှေ့တောင်အာရှအပြင် အိန္ဒိယ သမုဒ္ဒရာနှင့် အရှေ့အလယ်ပိုင်း နိုင်ငံတွေ အတွက် မီးရထားလမ်းကနေ လမ်းပွင့်နေပါတယ်၊ ရှေ့တောင်အာရှရဲ့ ပထ၀ီ နိုင်ငံရေးအတွက်ပါ အရေးပါတဲ့ နိုင်ငံဖြစ်ပါတယ်၊ ဒီလိုအခြေအနေမျိုးက အရှေ့တောင်အာရှ အတွက်သာမဟုတ်ဘဲ ဒေသတခုလုံးအတွက်ပါ အကျိုးဖြစ်ထွန်းစေမှာပါ ” ဟုပြောဆိုခဲ့ပါတယ်။
ဒေါ်အောင်ဆန်းစုကြည်က မြန်မာနိုင်ငံဟာ အာဆီယံ နိုင်ငံတွေထဲမှာ နောက်ကျ ကျန်ခဲ့ပေမယ့် အခြားသော အာဆီယံနိုင်ငံတွေရဲ့ အမှားကို သင်ခန်းစာအဖြစ်ယူနိုင်ကြောင်း ပြောဆိုခဲ့ပြီး “ကျမရဲ့ ရိုးရှင်းတဲ့ မျှော်မှန်းချက်က လာမယ့် ဆယ်စုနှစ်မှာ မြန်မာနိုင်ငံကို အိမ်နီးချင်းနိုင်ငံတွေကို ကျော်တက် သွားစေချင်တာပါ” ဟုပြောဆိုခဲ့ပါတယ်။

စောပြည့်ညို

Source: The Nation