နိုင်ငံရေးအကျဉ်းသား လွတ်မြောက်ရေး တောင်းဆို (ကုတ်ပါ)

နိုင်ငံရေးအကျဉ်းသား လွတ်မြောက်ရေး လက်မှတ် ၁ သိန်း သမ္မတထံ ပေးပို့
လင်းသန့် Monday, 26 September 2011 12:54

နိုင်ငံရေးအကျဉ်းသား လွတ်မြောက်ရေး တောင်းဆိုသည့် လက်မှတ်ပေါင်း ၁ သိန်းပြည့်ပြီဖြစ်ရာ သမ္မတ ဦးသိန်းစိန်ထံသို့ ယနေ့ ရန်ကုန်မြို့ဗဟိုစာတိုက်ကြီးမှတဆင့် မှတ်ပုံတင်ဖြင့် ပေးပို့လိုက်ပြီဖြစ်ကြောင်း ဦးဆောင် လှုပ်ရှားသူများက ပြောသည်။
“အခုပို့တာ စတုတ္တအကြိမ်မြောက်ပါ။ နယ်ပေါင်းစုံက နိုင်ငံရေးအကျဉ်းသားလွတ်မြောက်ရေး တောင်းဆိုတဲ့ လက်မှတ်တွေပါ။ အခုအကြိမ်နဲ့ဆိုရင် လက်မှတ်ပေါင်း ၁ သိန်းပြည့်ပါပြီ” ဟု ဦးဆောင်လှုပ်ရှားသူ တဦးဖြစ်သည့် နိုင်ငံရေးအကျဉ်းသားဟောင်း ကိုတိုးကျော်လှိုင်က ဧရာဝတီကို ပြောသည်။
နိုင်ငံရေးအကျဉ်းသားလွတ်မြောက်ရေး လက်မှတ်ရေးထိုးမှုများကို ဒေသအသီးသီးတွင် အလွှာပေါင်းစုံမှ ပူးပေါင်းပါဝင် လာမှု ကျယ်ပြန့်လာကြောင်း၊ နိုင်ငံရေးအကျဉ်းသား လွတ်မြောက်ရေး အရေးကြီးသည်ကို ပြည်သူလူထုက သိရှိပြီး ယခုထက် ပိုမို ပူးပေါင်းပါဝင် လက်မှတ်ရေးထိုး တောင်းဆိုမှု ကျယ်ကျယ်ပြန့်ပြန့် ငြိမ်းချမ်းစွာ ဆက်လက်လုပ်ဆောင် သွားမည်ဖြစ်ကြောင်း သူက ဆိုသည်။
ဦးသိန်းစိန်အစိုးရ တက်လာပြီးနောက်ပိုင်း နိုင်ငံရေးအကျဉ်းသား လွတ်မြောက်ရေးအတွက် နိုင်ငံရေးအကျဉ်းသားဟောင်း များနှင့် တက်ကြွသူများက ဦးဆောင်ကာ လက်မှတ်ရေးထိုး တောင်းဆိုမှုကို ယခုနှစ် ဧပြီလ ၁၇ ရက်၊ မြန်မာ နှစ်ဆန်း ၁ ရက်နေ့မှ စတင် လှုံ့ဆော်ခဲ့သည်။
နိုင်ငံရေးအကျဉ်းသား လွတ်မြောက်ရေးအတွက် သမ္မတ ဦးသိန်းစိန်ထံ ပထမဆုံးအကြိမ် လက်မှတ်ရေးထိုး တောင်းဆိုရာတွင် မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က အမှတ်စဉ် ၁ နေရာ၌ စတင် လက်မှတ်ရေးထိုးခဲ့သည်။
ဒေါ်အောင်ဆန်းစုကြည်နှင့်အတူ နိုင်ငံရေး ခေါင်းဆောင်များ၊ ၀ါရင့် နိုင်ငံရေးသမားကြီးများ၊ ဒဂုန်တာရာ၊ လူထု စိန်ဝင်း၊ မောင်မိုးသူ စသည့် စာရေးဆရာများ၊ စာနယ်ဇင်း သမားများ၊ ဦးအေးသာအောင်၊ နိုင်ငွေသိန်း၊ ဦးပုကျင့်ရှင်းထန် စသည့် တိုင်းရင်းသား ခေါင်းဆောင်များနှင့် ၈၈ မျိုးဆက် ကျောင်းသားများ၊ တက်ကြွလှုပ်ရှားသူများ စသူတို့၏ လက်မှတ် စုစုပေါင်း ၅၀၀ ခန့်ကို ဧပြီ ၂၅ ရက်နေ့က ပထမဆုံးအကြိမ်အဖြစ် စတင်တင်ပြ တောင်းဆိုခဲ့သည်။
“အခု သမ္မတ ဦးသိန်းစိန် အစိုးရ အနေနဲ့ ဒီမိုကရေစီစနစ်ကို အကောင်အထည်ဖော်တဲ့ နေရာမှာ နိုင်ငံရေးအကျဉ်းသား အားလုံးကို အမြန်ဆုံး ချွင်းချက်မရှိ ပြန်လွှတ်ပေးဖို့က တကယ့် လိုအပ်ချက် ဖြစ်နေပါတယ်။ မြန်မာနိုင်ငံ ဒီမိုကရေစီ အပြောင်းအလဲမှာ အားလုံးပါဝင်နိုင်ဖို့ အခုလို တောင်းဆိုနေကြတာ ဖြစ်ပါတယ်။ အမြန်ဆုံး ပြန်လွတ်လာဖို့လည်း ကျနော်တို့ မျှော်လင့်ထားပါတယ်” ဟု ကိုတိုးကျော်လှိုင်က ပြောသည်။
အဆိုပါ နိုင်ငံရေးအကျဉ်းသားလွတ်မြောက်ရေး လက်မှတ်ရေးထိုးလှုပ်ရှားမှု၌ အမျိုးသား ဒီမိုကရေစီအဖွဲ့ချုပ် (NLD) အဖွဲ့ဝင်များ၊ တိုင်းရင်းသား ခေါင်းဆောင်များ၊ ၀ါရင့်နိုင်ငံရေးသမားကြီးများ၊ နိုင်ငံရေး တက်ကြွလှုပ်ရှားသူများ၊ ကျောင်း သားများအပါအ၀င် လူထု လူတန်းစား အစုံ ပါဝင်ကြောင်း၊ ဒုတိယ အကြိမ်၊ တတိယ အကြိမ်မြောက် လက်မှတ်များကိုလည်း  သမ္မတထံ တင်ပြခဲ့ကြောင်း ဦးဆောင်လှုပ်ရှားသူ တဦးက ပြောသည်။
“အခုဆိုရင် နိုင်ငံခြားက လူတွေလည်း ပါဝင် လက်မှတ်ရေးထိုးကြပါတယ်။ တချို့ကလည်း သူတို့ရှိနေတဲ့ နိုင်ငံက မြန်မာ သံရုံးကို ပို့နေတာတွေ ရှိတယ်လို့ သိရတယ်။ တချို့က အွန်လိုင်းကနေ ကျနော်တို့ဆီကို လက်မှတ်တွေ ပို့နေဆဲပါ” ဟု နိုင်ငံရေး အကျဉ်းသားဟောင်းတဦးက ပြောသည်။
မြန်မာနိုင်ငံ အကျဉ်းထောင် အသီးသီးရှိ နိုင်ငံရေးအကျဉ်းသား လွတ်မြောက်ရေးအတွက် NLD အပါအ၀င် ပြည်တွင်း ပြည်ပရှိ ဒီမိုကရေစီ အင်အားစုများသာမက ၂၀၁၀ ရွေးကောက်ပွဲ ၀င်ရောက်ခဲ့သော အမျိုးသား ဒီမိုကရေစီအင် အားစု (NDF)၊ ဒီမိုကရက်တစ် ပါတီ (မြန်မာနိုင်ငံ) စသည့် နိုင်ငံရေးပါတီများကလည်း ပါဝင်တောင်းဆို နေကြောင်း သိရသည်။
ထိုအထဲတွင် တိုင်းရင်းသား စည်းလုံးညီညွတ်ရေး ပါတီ (တဆည) လည်း ပါဝင်သည်ဟု သတင်းများက ဆိုသည်။
ထို့အပြင် နိုင်ငံတကာ အဖွဲ့အစည်းများ၊ နိုင်ငံတကာ အစိုးရများ၊ ကမ္ဘာ့ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်းအပါအ၀င် ကုလသမဂ္ဂ လက်အောက်ခံ အဖွဲ့အစည်းများ၊ အာဆီယံ အသင်းကြီး အပါအ၀င် နိုင်ငံတကာမှ ထိပ်တန်း ခေါင်းဆောင်များကလည်း နိုင်ငံရေးအကျဉ်းသား လွတ်မြောက်ရေးအတွက် အစဉ်တစိုက် တိုက်တွန်း ပြောဆိုနေသည်။
ယခုကဲ့သို့ နိုင်ငံရေးအကျဉ်းသားများ လွတ်မြောက်ရေး လက်မှတ်ရေးထိုး တောင်းဆိုမှုများ၊ တခြားသော နည်းလမ်းဖြင့် တောင်းဆိုမှုများကို မြန်မာအစိုးရ အာဏာပိုင်များက မည်သို့မှ တုံ့ပြန်မှု မပြုခဲ့ပေ။
သို့သော် မကြာသေးမီ ရက်ပိုင်းက သမ္မတ အကြံပေး ပုဂ္ဂိုလ်တဦးဖြစ်သူ ဦးကိုကိုလှိုင်က နိုင်ငံရေးအကျဉ်းသား ကိစ္စကို အလေးအနက် လုပ်ဆောင် စဉ်းစားနေကြောင်း လွတ်လပ်သော အာရှအသံ (RFA) နှင့် မေးမြန်းခန်းတွင် ပြောဆိုခဲ့သည်။
မြန်မာနိုင်ငံတွင် နိုင်ငံရေးအကျဉ်းသား ၂၀၀၀ ခန့် ရှိကြောင်း ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီ စောင့်ရှောက်ရေး အသင်း (AAPP) က ထုတ်ပြန်ထားပြီး ထပ်မံ၍လည်း အသေးစိတ် ထုတ်ပြန်ရန်ရှိကြောင်း AAPP က ဆိုသည်။