တောင်တရုတ်ပင်လယ် နှင့် မဟာဗျူဟာရေးရာ (အပိုင်း- ၇)

သွယ်ဝိုက်ပါဝင်ပတ်သက်သော နိုင်ငံများ၏ မဟာဗျူဟာ တုန့်ပြန်ချက်များ

တောင်တရုတ်ပင်လယ် ရေပိုင်နက်အငြင်းပွားမှုမှာ တိုက်ရိုက်ပါဝင်ပတ်သက်ခြင်း မရှိပေမယ့် တောင်တရုတ် ပင်လယ်မှာ အကျိုးစီးပွားရှိနေတဲ့ အခြားနိုင်ငံများကလဲ သွယ်ဝိုက်ပါဝင်ပတ်သက်လာပြီး၊ မဟာဗျူဟာအရ တုန့်ပြန်ချက်တွေ ရှိပါတယ်။ ထင်ရှားတဲ့ နိုင်ငံကတော့ အမေရိကန်နိုင်ငံဖြစ်ပါတယ်။

(၁) အမေရိကန်နိုင်ငံ၏ မဟာဗျူဟာတုန့်ပြန်ချက်များ

တောင်တရုတ်ပင်လယ်ရဲ့ geostrategic significance ဟာ အမေရိကန်နိုင်ငံအတွက် ထည့်သွင်းမစဉ်းစားပဲ နေလို့ မရနိုင်တဲ့ အရေးဖြစ်ပါတယ်။ တရုတ်လူမျိုး (၁.၅) ဘီလီလျံ၊ အရှေ့တောင်အာရှက လူမျိုး သန်းခြောက်ရာနဲ့ အိန္ဒိယလူမျိုး (၁.၃) ဘီလီလျံ စတဲ့ သန်းပေါင်းများစွာသော လူတွေ ကျင်လည်ကျက်စားနေတဲ့ တောင်တရုတ်ပင်လယ်ဟာ ၂၁ရာစုကမ္ဘာ့စီးပွားရေးအဆောက်အအုံရဲ့ demographic hub ဖြစ်ပါတယ်။ တရုတ်ရဲ့ တွက်ချက်မှုတွေ မှန်ကန်ခဲ့မယ်ဆိုရင် တောင်တရုတ်ပင်လယ်ကနေ ရေနံပမာဏ 130 billion barrels ထက်ပိုပြီး ထုတ်ယူနိုင်မှာ ဖြစ်ပါတယ်။ ဒါကြောင့် တောင်တရုတ်ပင်လယ်ကို “the second Persian Gulf.” အနေနဲ့ တင်စားပြောဆိုထားကြပါတယ်။ တောင်တရုတ်ပင်လယ်ကိုသာ တရုတ်က ထိန်းချုပ်နိုင်ခဲ့မယ်ဆိုရင် မလက္ကာရေလက်ကြား၊ Sunda ရေလက်ကြားနဲ့ Lombok ရေလက်ကြားတွေနဲ့ပတ်သက်တဲ့ မဟာဗျူဟာ အားနည်းချက်တွေကို ကျော်လွှားနိုင်မှာ ဖြစ်ပါတယ်။ တရုတ်နိုင်ငံဘက်က ကြည့်မယ်ဆိုရင် မဟာဗျူဟာ အားနည်းချက်တွေကို တောင်တရုတ်ပင်လယ်ကို ထိန်းချုပ်ပြီး ကျော်လွှားနိုင်တယ်ဆိုပေမယ့် အမေရိကန်နိုင်ငံ ဘက်က ကြည့်မယ်ဆိုရင်တော့ တောင်တရုတ်ပင်လယ်ကို တရုတ်က ထိန်းချုပ်လိုက်တဲ့အခါ ပင်လယ်ရေကြောင်း ဆိုင်ရာ freedom of navigation ကို ထိခိုက်တော့မှာ ဖြစ်ပါတယ်။ ဒါကို ထိခိုက်လာတာနဲ့ အမေရိကန်ရဲ့ preeminence ကို (အထူးသဖြင့် naval primacy) ကို ဆက်လက်ထိခိုက်တော့မှာ ဖြစ်ပါတယ်။

တကယ်တော့ တောင်တရုတ်ပင်လယ်အရေးမှာ အမေရိကန်ကပဲဖြစ်ဖြစ်၊ တရုတ်ကပဲဖြစ်ဖြစ် လွှမ်းမိုးချုပ်ကိုင် လိုက်လို့ ဘယ်အာရှနိုင်ငံအတွက်မှ အကျိုးကျေးဇူးဖြစ်ထွန်းမှာ မဟုတ်ပါဘူး။ ဒါပေမယ့် တောင်တရုတ် ပင်လယ်မှာ တရုတ်ရဲ့ ထိန်းချုပ်မှုကို ချိန်ခွင်လျှာညှိနိုင်ဖို့ status quo အတွက် အမေရိကန်ရဲ့ ပါဝင်ပတ်သက်မှုလိုအပ်တယ်လို့လဲ အာရှနိုင်ငံများရဲ့ မဟာဗျူဟာပညာရှင်များက ယူဆထားကြပါတယ်။ ဒါကြောင့်လဲ (၂၀၁၁) ခုနှစ်၊ နိုဝင်ဘာလမှာ အမေရိကန်သမ္မတ အိုဘားမားရဲ့ ဒေသတွင်းခရီးစဉ်အတွင်း နိုင်ငံအားလုံးဟာ တူညီတဲ့ set of rules တွေနဲ့ ကစားနေကြတာပါလို့ ဆိုသွားခဲ့ဖူးတာ ဖြစ်ပါတယ်။

အမေရိကန်နိုင်ငံနဲ့ တရုတ်နိုင်ငံတို့အတွက် တောင်တရုတ်ပင်လယ်ဟာ ကမ္ဘာ့ပါဝါဂိမ်းပြိုင်ပွဲကျင်းပရာ ကွင်းပြင်ဖြစ်လာနိုင်တယ်လို့လဲ အချို့မဟာဗျူဟာပညာရှင်များက သုံးသပ်ထားကြပါတယ်။ တရုတ်ရဲ့ တောင်တရုတ်ပင်လယ်ထိန်းချုပ်မှုဟာ အရှေ့အာရှမှာ တည်ဆောက်ပြီးသားဖြစ်နေတဲ့ အမေရိကန်ရဲ့ superpower status ကို မလွဲမသွေ စိန်ခေါ်မှု ဖြစ်လာနိုင်စေလို့ပါပဲ။ တရုတ်နဲ့ အိန္ဒိယတို့အကြားက ဒေသတွင်းအားပြိုင်မှုရဲ့ အချက်အချာဒေသဟာ ဘင်္ဂလားပင်လယ်အော်နဲ့ မလက္ကာရေလက်ကြားဖြစ်ပြီး၊ တရုတ်နဲ့ အမေရိကန်တို့ရဲ့ အားပြိုင်မှုကတော့ တောင်တရုတ်ပင်လယ်ကို ဗဟိုပြုပါတယ်။

အာရှတိုက်ကို မဟာဗျူဟာအရ ဗဟိုပြုရန် လိုအပ်ချက်ကို အမေရိကန်မဟာဗျူဟာပညာရှင်များက ဆွေးနွေးနေခဲ့ကြတာ (၂၀၀၁) ခုနှစ် Quadrennial Defense Review မှာကတည်းက ဖြစ်တဲ့အတွက် ဆယ်စုနှစ်တခုကျော်ရှိခဲ့ပါပြီ။ အိုဘားမားအုပ်ချုပ်ရေးကာလမှာ bipartisan U.S. National security policy ကို တိုးမြှင့်ဖို့ ကြိုးစားလာခဲ့ပါတယ်။ ဒါပေမယ့် ၀ါရှင်တန်မဟာဗျူဟာအသိုင်းအ၀ိုင်းက ဒီလို pivot ကို တရုတ်က အားပေးလက်ခံမှာ မဟုတ်ကြောင်း ယူဆထားကြပါတယ်။

သို့ပေမယ့် ချမှတ်ထားဆဲ မဟာဗျူဟာတွေအရဆိုရင် အမေရိကန်အနေနဲ့က ပင်လယ်ရေကြောင်းနဲ့ ပတ်သက်ပြီး ထိပ်တိုက်ရင်ဆိုင်မှုတွေထက် ပူးပေါင်းဆောင်ရွက်မှုတွေကို ပိုပြီး လိုလားဟန်ရှိနေပါတယ်။ sea services တွေဖြစ်တဲ့ အမေရိကန်ရေတပ်၊ မရင်းတပ်နဲ့ ကမ်းရိုးတန်းစောင့်တပ်တွေဟာ ရေတပ် အသုံးစရိတ်ကြီးမားမှုရဲ့ အကျိုးဆက်တွေကို သတိပြုမိနေကြပြီး၊ အချို့ sea lanes of blights ကိစ္စရပ်တွေဖြစ်တဲ့ အကြမ်းဖက်မှု၊ ပင်လယ်ဓားပြနဲ့ မူးယစ်ဆေးကုန်ကူးမှု၊ လူကုန်ကူးမှု၊ လက်နက်ကုန်ကူးမှုစတာတွေကို တားဆီးနှိမ်နင်းရေးတွေမှာ ဒေသတွင်း ပူးပေါင်းဆောင်ရွက်မှုတွေကို ပိုပြီး လိုလားကြပါတယ်။ U.S. Fleet ဟာ ကမ္ဘာမှာ အင်အားအကြီးဆုံးဖြစ်ပေမယ့် “connective tissue of the international system,” သာဖြစ်သင့်ကြောင်း ယူဆမှုတွေ ပေါ်ထွက်လာပြီး၊ သမုဒ္ဒရာနှစ်ခုရဲ့ ဆုံချက်ဖြစ်နေတဲ့ တောင်တရုတ်ပင်လယ်မှာ international maritime cooperation ဖြစ်တည်လာဖို့သာ အရေးကြီးကြောင်း ရေတပ်မဟာဗျူဟာ ပညာရှင်များက တွက်ချက်ထားကြပါတယ်။

အမေရိကန် sea services တွေက (၂၀၀၇) ခုနှစ်မှာ ရေးဆွဲထားတဲ့ A Cooperative Strategy for 21st Century Seapower (CS-21) ဟာ ယနေ့လက်ရှိအခြေအနေအထိ အသက်ဝင်ဆဲပဲ ရှိပါသေးတယ်။ ဒီမဟာဗျူဟာအရ ပစိဖိတ်အနောက်ပိုင်းနဲ့ အိန္ဒိယသမုဒ္ဒရာ၊ ပါရှန်းပင်လယ်ကွေ့ဒေသတွေဟာ အမေရိကန်ရဲ့ maritime power အတွက် အဓိကကျတဲ့ theaters တွေ ဖြစ်ပါတယ်။ CS-21 မဟာဗျူဟာမှာ အမေရိကန်ပြည်ထောင်စု အနေနဲ့ like-minded nations တွေနဲ့ ပူးပေါင်းပြီး၊ ကမ္ဘာ့ပူးပေါင်းဆက်နွယ်မှု စနစ် ပိုမိုခိုင်မာတောင့်တင်းလာအောင် ကာကွယ်စောင့်ရှောက်မယ်လို့ ပါရှိပါတယ်။

(ပုံ- ၁၀- အမေရိကန်ရဲ့ CS 21 မဟာဗျူဟာ မျက်နှာဖုံးပုံ)

အမေရိကန်ရဲ့ ဒီမဟာဗျူဟာရည်မှန်းချက်ကို တရုတ်နိုင်ငံက အပြင်းအထန် ကန့်ကွက်ထားပါတယ်။ ဘေဂျင်းအနေနဲ့ သူ့အနီးဝန်းကျင်က ရေပိုင်နက်တွေမှာ အမေရိကန်က ပါဝင်ပတ်သက်နေမှုကို တရုတ်နိုင်ငံကို containment လုပ်ဖို့ ကြိုတင်ပြင်ဆင်နေတာလို့ ယူဆပါတယ်။ ဒါကြောင့်လဲ အာရှနိုင်ငံများနဲ့ အမေရိကန်တို့ ပူးပေါင်းဆောင်ရွက်မယ့် ဒေသတွင်း လုံခြုံရေးဆိုင်ရာ မဟာမိတ်အဖွဲ့တခု ပေါ်ထွန်းလာရေးကို တရုတ်နိုင်ငံက မလိုလားပါဘူး။ ဒေသတွင်းလုံခြုံရေးဝန်းကျင် (security environment) ရဲ့ အနေအထား ပြောင်းလဲသွားမှာကို တရုတ်က စိုးရိမ်ပူပန်ပါတယ်။

အမေရိကန်ရဲ့ Maritime Strategy ဟာ navigational freedoms တခုတည်းပေါ်မှာ မူတည်ထားတာ မဟုတ်ပါဘူး။ ယူကေနိုင်ငံ၊ လန်ဒန်ဘုရင့်ကောလိပ်က ပါမောက္ခ Geoffrey Till ဆိုခဲ့သလိုပဲ “Maritime” ဆိုတဲ့စကားလုံးဟာ “naval” ဆိုတဲ့ စကားလုံးထက် ပိုပြီးကျယ်ပြန့်ပါတယ်။ စစ်ကာလမဟုတ်တဲ့အချိန်မှာ Maritime Strategy ဆိုတာ “good-order-at-sea” missions တွေ ပေါင်းစပ်ပါဝင်ပါတယ်။ ဒါကြောင့် Maritime Strategy ကို အကောင်အထည်ဖော်ဆောင်ရာမှာ ရေတပ်သာမက non-military services တွေဖြစ်တဲ့ ကမ်းရိုးတန်းစောင့်တပ်၊ ထောက်လှမ်းရေးအေဂျင်စီများ၊ နိုင်ငံခြားရေးဝန်ကြီးဌာနများ၊ အကောက်ခွန်ဌာနများ၊ နယ်စပ်လုံခြုံရေးဌာနများကပါ ပါဝင်ဆောင်ရွက်လေ့ ရှိကြပါတယ်။ အမေရိကန်ရဲ့ CS-21 မဟာဗျူဟာက ဒီသဘောတရားအပေါ်မှာ အခြေပြုထားပါတယ်။

အမေရိကန်ကာကွယ်ရေးဝန်ကြီးဌာနနဲ့ Homeland Security ဌာနတို့ကလဲ National Strategy of Maritime Security (NSMS) ရေးဆွဲထုတ်ပြန်ပြီး maritime security ဆိုတာ ရေတပ်အင်အားတဲ့ ပိုပြီး ကျယ်ပြန့်ကြောင်း ဖော်ပြထားကြပါတယ်။ National Strategy of Maritime Security (NSMS) ထဲမှာ Narrow seas ဆိုတဲ့ ကဏ္ဍတခုပါဝင်ပါတယ်။ အဓိကဖော်ပြထားချက်ကတော့ တောင်တရုတ်ပင်လယ်နဲ့ အိန္ဒိယသမုဒ္ဒရာအကြားမှာ portal ဖြစ်နေတဲ့ မလက္ကာရေလက်ကြားဖြစ်ပါတယ်။ ဒီလိုရေလက်ကြားတွေကို အရေးပေါ်အခြေအနေမှာ ပိတ်ဆို့ဖို့ လိုအပ်ကြောင်းထည့်သွင်းဖော်ပြထားပါတယ်။ သို့ပေမယ့်လဲ ဒီမဟာဗျူဟာမှာ အမေရိကန် ပြည်ထောင်စုအနေနဲ့ အခြားနိုင်ငံများရဲ့ အစိုးရများ၊ ဒေသဆိုင်ရာအဖွဲ့အစည်းများနဲ့ ပူးပေါင်းပြီး maritime security စွမ်းရည်များ ဖွံ့ဖြိုးတိုးတက်ဖို့ ဆောင်ရွက်ရန် အချက်ကိုလဲ ထည့်သွင်းထားပါတယ်။ ဒါတွေကို ကြည့်ခြင်းအားဖြင့် လက်ရှိအခြေအနေအထိမှာ အမေရိကန်ရဲ့ Maritime strategy နှစ်ရပ်စလုံးဟာ cooperation ကို ဦးတည်ပြီး၊ confrontation ကို ဦးတည်ခြင်း မရှိတာကြောင့် တောင်တရုတ်ပင်လယ်အရေးမှာ အမေရိကန်က စတင်ပြီး စစ်ရေးထိတွေ့မှု လုပ်ဆောင်လာဖွယ်မရှိနိုင်ကြောင်း မဟာဗျူဟာပညာရှင်များက သုံးသပ်ထားပါတယ်။

သို့ပေမယ့်လဲ (၂၀၀၉) ခုနှစ်မှာ တင်းမာမှုတွေ ပြင်းထန်လာချိန်ကစတင်ပြီး တောင်တရုတ်ပင်လယ်အရေးမှာ အမေရိကန်က အဓိက အခန်းကဏ္ဍကနေ ပါဝင်ပတ်သက်လာအောင် အရှေ့တောင်အာရှနိုင်ငံများရဲ့ ကြိုးပမ်းမှုတွေ ပေါ်ထွက်လာပါတယ်။ ၀ါရှင်တန်နဲ့ ဟနွိုင်းတို့အကြားက ဆက်ဆံရေးနွေးထွေးလာမှု အခြေအနေတွေ၊ ၀ါရှင်တန်နဲ့ မနီလာအကြားက စစ်ရေးမဟာမိတ်အခြေအနေတွေကလဲ တောင်တရုတ်ပင်လယ် အရေးနဲ့ ပတ်သက်ပြီး အမေရိကန်ရဲ့ အခန်းကဏ္ဍကို မြင့်မားနေစေပါတယ်။ တိုက်ရိုက်ပါဝင်ပတ်သက်မှုမရှိတဲ့ စင်ကာပူနိုင်ငံကလဲ ဒေသတွင်းမှာ အမေရိကန်ရဲ့ အခန်းကဏ္ဍမြင့်မားရေးအတွက် လူသိရှင်ကြား လိုလားဟန်ပြထားပါတယ်။ ဒီလိုလုပ်ဆောင်ချက်တွေက သက်ဆိုင်ရာနိုင်ငံတွေအတွက် အကျိုးကျေးဇူးရှိပေမယ့် အမေရိကန်နဲ့ တရုတ်နိုင်ငံအကြား ပြိုင်ဆိုင်မှုတွေ ကြီးထွားလာအောင် တွန်းပို့နေသယောင် ဖြစ်လာပါတယ်။

(၂၀၁၁)ခုနှစ်မှာ အာရှနဲ့ပတ်သက်ပြီး အမေရိကန်ရဲ့ strategic landscape ပြောင်းလဲလာမှုအပေါ်မှာ မနီလာက ၀ါရှင်တန်နဲ့ အရှေ့တောင်အာရှနိုင်ငံများအကြား စစ်ရေးပူးပေါင်းဆောင်ရွက်မှုအထိ ဖြစ်လာစေရန် မျှော်မှန်း ထားပြီး၊ ဗီယက်နမ်က ဒေသတွင်းမှာ အမေရိကန်ရဲ့ လွှမ်းမိုးမှု ပိုမိုကြီးမားလာပြီး တရုတ်ကို counter-balance လုပ်နိုင်ဖို့အထိ မျှော်မှန်းလာကြပါတယ်။ တချိန်တည်းမှာပဲ အာဆီယံနဲ့ ပတ်သက်ပြီး တရုတ်ရဲ့ သံသယဖြစ်မှုတွေ ပိုမိုများပြားလာပါတယ်။ သို့ပေမယ့် အမှန်တကယ်သာ အမေရိကန်နဲ့ တရုတ်တို့အကြား strategic rivalry ဖြစ်လာခဲ့ရင် အရှေ့တောင်အာရှနိုင်ငံများအနေနဲ့ အင်အားကြီးနှစ်နိုင်ငံအကြားမှာ ဘယ်လိုက်ရွေးချယ်ရမှုကို ရှောင်ရှားမရတဲ့ ပြဿနာဖြစ်ပွားလာမှာကို စိုးရိမ်ပူပန်တဲ့ နိုင်ငံတွေလဲ ရှိလာကြပါတယ်။

(၂) အခြားနိုင်ငံများ၏ မဟာဗျူဟာ တုန့်ပြန်ချက်များ

ဗီယက်နမ်နဲ့ ဖိလစ်ပိုင်နိုင်ငံများက ဂျပန်၊ တောင်ကိုးရီးယားနဲ့ သြစတြေးလျနိုင်ငံများရဲ့ ထောက်ခံမှုရစေရန် ကြိုးပမ်းမှုများလဲ ပေါ်ထွက်လာပါတယ်။ (၂၀၁၁) ခုနှစ်၊ စက်တင်ဘာလနှောင်းပိုင်းမှာ ဖိလစ်ပိုင်သမ္မတက ဂျပန်နိုင်ငံကို သွားရောက်ပြီး၊ ဖိလစ်ပိုင်ကမ်းရိုးစောင့်တပ်ကို လေ့ကျင့်သင်တန်းပေးရေးနဲ့ လိုအပ်သော စက်ကိရိယာများတပ်ဆင်ရေးတို့အတွက် ထောက်ပံ့မှုတွေ ရရှိခဲ့ပါတယ်။ တောင်တရုတ်ပင်လယ်အရေးကို rules-based regime နဲ့ ဖြေရှင်းဖို့ လိုအပ်ကြောင်းနဲ့UNCLOS ရဲ့ ဆုံးဖြတ်ချက်များကို လိုက်နာသင့်ကြောင်း နှစ်နိုင်ငံသဘောတူညီမှု ရရှိခဲ့ပါတယ်။

(၂၀၁၁) ခုနှစ်၊ နိုဝင်ဘာလ နှောင်းပိုင်းမှာ တောင်ကိုးရီးယား သမ္မတ Lee Myung-Bak ရဲ့ မနီလာခရီးစဉ်မှာလဲ ဖိလစ်ပိုင် စစ်တပ်ကို ခေတ်မှီတိုးတက်သော တပ်အဖြစ် အဆင့်မြှင့်တင်ရေးအတွက် လိုအပ်သော ထောက်ပံ့ကူညီမှုတွေ ပြုလုပ်ဖို့ ဖိလစ်ပိုင်သမ္မတက တောင်းဆိုခဲ့ပါတယ်။ (၂၀၁၂) ခုနှစ်၊ မေလမှာလဲ ဖိလစ်ပိုင်နိုင်ငံရဲ့ နိုင်ငံခြားရေးဝန်ကြီးက ဖိလစ်ပိုင်စစ်တပ်ဟာ သြစတြေးလျနိုင်ငံရဲ့ search-and-rescue vessels များ ထောက်ပံ့ပေးမှုကို စောင့်မျှော်နေကြောင်း ထုတ်ဖော်ပြောကြားခဲ့ပါတယ်။

ဗီယက်နမ်နိုင်ငံကလဲ ပါဝါရှိတဲ့ နိုင်ငံတနိုင်ငံတည်းနဲ့ နီးစပ်မှု မဖြစ်သွားစေရန် ချမှတ်ထားတဲ့ “three no’s” policy အရ အိန္ဒိယနဲ့ ရုရှားတို့နဲ့ ဆက်ဆံရေးအဆင်ပြေစေရန် ကြိုးပမ်းမှုတွေ ပြုလုပ်လာပါတယ်။ (၂၀၁၁) ခုနှစ်၊ စက်တင်ဘာလမှာ အငြင်းပွားရေပိုင်နက်ကို လေ့လာရန် အိန္ဒိယနိုင်ငံနဲ့ သဘောတူညီချက် စာချုပ်ချုပ်ဆိုခဲ့ပြီး၊ အောက်တိုဘာလမှာ ဂျပန်နိုင်ငံနဲ့ defence cooperation initiative စတင်ခဲ့ပါတယ်။ ဟနွိုင်းက ရုရှားနိုင်ငံကိုလဲ ရေနံနဲ့ သဘာဝဓာတ်ငွေ့ရှာဖွေရေးမှာပူးပေါင်းဆောင်ရွက်ဖို့ ဖိတ်ကြားထားပြီး၊ သြစတြေးလျနိုင်ငံနဲ့ ဆက်ဆံရေး တိုးတက်ကောင်းမွန်လာအောင်လဲ ကြိုးပမ်း ဆောင်ရွက်နေပါတယ်။

ဒါတွေကိုကြည့်ခြင်းအားဖြင့် တောင်တရုတ်ပင်လယ်အရေးနဲ့ ပတ်သက်ပြီး သွယ်ဝိုက်ပါဝင်ပတ်သက်လာတဲ့ နိုင်ငံအများအနေနဲ့ တရုတ်နိုင်ငံနဲ့ ထိပ်တိုက်ရင်ဆိုင်မှု ဖြစ်ပွားခြင်းမရှိရအောင် တဘက်က ထိန်းရင်း၊ အခြားတဘက်ကလဲ အငြင်းပွားမှုထဲမှာ တိုက်ရိုက်ပါဝင်နေတဲ့ နိုင်ငံများနဲ့ စစ်ရေး၊ သံတမန်ရေး ပူးပေါင်း ဆောင်ရွက်မှုတွေကို အားဖြည့်လာကြောင်း သိသာထင်ရှားပါတယ်။ တောင်တရုတ်ပင်လယ်မှာ စစ်ရေး ထိတွေ့မှုတွေ ဖြစ်ပွားလာမလား၊ ရှောင်ရှားနိုင်မလား၊ ဘယ်အချိန်မှာ စစ်ရေးထိတွေ့မှုတွေ စတင် လာမလဲဆိုတာကို ဘယ်သူမှ သေချာတပ်အပ်မပြောနိုင်ကြပေမယ့် စစ်ရေးထိတွေ့မှုတွေ ဖြစ်ပွားစေနိုင်မယ့် အလားအလာရှိသော triggers များကိုတော့ ပညာရှင်များက လေ့လာဖော်ထုတ်ထားကြပါတယ်။

အပိုင်း ( ၈ ) သို့ 

ယခင်အပိုင်းများ

ခင်မမမျိုး (၁၄၊ ၁၀၊ ၂၀၁၂)