ရခိုင်ပြည်နယ် အကြမ်းဖက်မှုအတွင်း သေဆုံးသူ တစ်ရာကျော်ရှိနေ

2012-10-26
ရခိုင်ပြည်နယ်မှာ အောက်တိုဘာလ ၂၁ ရက်နေ့ကနေ ဒီနေ့ထိဖြစ်ခဲ့တဲ့ အကြမ်းဖက် ပဋိပက္ခတွေအတွင်း သေဆုံးသူစုစုပေါင်း (၁၁၂) ဦးရှိပြီး၊ ဒဏ်ရာရသူအရေအတွက်ဟာ ကလေး (၁၀) ယောက် အပါအဝင် (၇၂) ဦးရှိတယ်
လို့ ရခိုင်ပြည်နယ်အစိုးရ-ပြောခွင့်ရပုဂ္ဂိုလ် ဦးဝင်းမြိုင်က RFA ကို ပြောပါတယ်။
RFA
ရခိုင်ပြည်နယ်၊ စစ်တွေမြို့တွင် ၂၀၁၂ ခုနှစ် ဇွန်လအတွင်း ဖြစ်ပေါ်ခဲ့သော လူမျိုးရေး ဘာသာရေး ပဋိပက္ခမှုများဖြစ်ပေါ်နေစဉ် အတွင်း လုံခြုံရေး တပ်ဖွဲ့ဝင် တချို့ စစ်တွေမြို့တွင်း ကင်းလှည့် စောင့်ကြပ်နေစဉ်။
ဒဏ်ရာရသူတွေထဲမှာ လုံခြုံရေးတပ်ဖွဲ့ဝင်တွေ ပစ်ခတ်နှိမ်နင်းလို့ ထိခိုက်သူ ၄ ဦးလောက်ပါတယ် လို့လည်း ပြောပါတယ်။
မီးလောင်ဆုံးရှုံးရတဲ့အိမ်ခြေက ၂ ထောင့် ၃ ရာကျော်တယ်လို့ဆိုပါတယ်။ ဒီစာရင်းတွေဟာ မြို့နယ် (၆) ခုအတွင်းဖြစ်ရပ်တွေရဲ့ စုစုပေါင်းစာရင်းဖြစ်ပါတယ်။ အိုးမဲ့အိမ်မဲ့ဖြစ်သွားသူတွေအတွက် လတ်တလော စားနပ်ရိက္ခာ လိုအပ်ချက်ကို ခရိုင်နဲ့မြို့နယ်အုပ်ချုပ်ရေးမှူးတွေ၊ မြို့မိမြို့ဖပြည်သူတွေ ပူးပေါင်းပြီး ကူညီပေးနေတယ်လို့ဆိုပါတယ်။
ဒါ့အပြင် ကုလသမဂ္ဂအဖွဲ့တွေလဲသွားလာကူညီနေတယ်လို့သိရပါတယ်။ ဒါပေမယ့် စားနပ်ရိက္ခာနဲ့ ကယ်ဆယ်ရေးပစ္စည်းတွေဟာ ရေရှည်မှာ လုံလောက်နိုင်မှာမဟုတ်ဘူးလို့ပြောပါတယ်။
ရခိုင်ပြည်နယ်အစိုးရပြောခွင့်ရပုဂ္ဂိုလ် ဦးဝင်းမြိုင်နဲ့ဆက်သွယ်မေးမြန်းချက်ကို နားဆင်နိုင်ပါတယ်။

နားဆင်ရန်
အသံဖိုင်ယူရန်






ပြိုင်တူတွန်းလျှင် ရွှေ့ နိုင်သည် ။

No comments: