ရခိုင်ပြည်နယ်တွင် ဖြစ်ပေါ်နေသည့် ပဋိပက္ခများအတွင်း ကယ်ဆယ်ရေး လုပ်ငန်းများနှင့် ပြန်လည်ထူထောင်ရေး လုပ်ငန်းများတွင် ပူးပေါင်းဆောင်ရွက်နိုင်ရန် ရန်ကုန်ရောက် ရခိုင်အဖွဲ့အစည်းများက တွေ့ဆုံပွဲတစ်ရပ်ကို ပြုလုပ်ပြီး "ရန်ကုန်ရောက် ရခိုင်အဖွဲ့အစည်းများ ကွန်ယက်" ကို အောက်တိုဘာ ၂၈ နေ့တွင် ဖွဲ့စည်းလိုက်သည်။
“တစ်သင်းတစ်ဖွဲ့တည်း လုပ်ဆောင်နေတာထက် တစ်သင်း၊ တစ်ဖွဲ့တွေရဲ့ လုပ်ဆောင်နေတာတွေကို ပေါင်းလိုက်ရင် သက်ရောက်မှုအားက ပိုရှိလာမှာဖြစ်ပါတယ်” ဟု ရခိုင်တိုင်းရင်းသားရေးရာဝန်ကြီး ဦးဇော်အေးမောင်က ရန်ကုန်
ရောက် ရခိုင်အဖွဲ့အစည်းများကွန်ယက် ဖွဲ့စည်းခြင်း ရည်ရွယ်ချက်ကို ပြောသည်။
ပဋိပက္ခများအတွင်း
ကယ်ဆယ်ရေး လုပ်ငန်းများနှင့် ပြန်လည်ထူထောင်ရေး လုပ်ငန်းများတွင်
ပူးပေါင်းဆောင်ရွက်နိုင်ရန် "ရန်ကုန်ရောက် ရခိုင်အဖွဲ့အစည်းများ ကွန်ယက်"
ဖွဲ့စည်း (ဓါတ်ပုံ မဇ္ဈိမ)
ရန်ကုန်ရောက် ရခိုင်အဖွဲ့အစည်းများ ကွန်ယက်၏ နာယကအဖြစ် ရွေးချယ် တင်မြောက်ခံရသည့် အကယ်ဒမီ ဦးအောင်လွင်က “ပြည်မမှာနေတဲ့လူတွေနဲ့ ရခိုင်ပြည်မှာနေထိုင်တဲ့လူတွေက အဆက်အသွယ်ပြတ်တယ်။ အဲဒီတော့ ဟိုမှာဘာတွေ ဘယ်လိုဖြစ်နေတယ်ဆိုတာ နောက်ကျမှရောက်တယ်။ အခုလို ကွန်ယက်တစ်ခု ဖွဲ့လိုက်တာကျတော့ ဟိုမှာဘာဖြစ်တယ်ဆိုတာကို ချက်ချင်းသတင်းပို့လို့ရတယ်" ဟု ဆိုသည်။
ရခိုင်အဖွဲ့အစည်းများ ကွန်ယက်၏ လုပ်ဆောင်ချက်များနှင့် ပတ်သက်၍ တစ်လတစ်ကြိမ် တွေ့ဆုံဆွေးနွေးမှုများပြုလုပ်သွားမည်ဖြစ်သည်။
ကွန်ယက်ဖွဲ့စည်းခြင်း အခမ်းအနားကို ရခိုင်တိုင်းရင်းသားရေးရာ ဝန်ကြီး ဦးဇော်အေးမောင်၊ ရခိုင်တိုင်းရင်းသားများ တိုးတက်ရေးပါတီ ဥက္ကဋ္ဌ ဒေါက်တာအေးမောင်၊ အကယ်ဒမီ ဦးအောင်လွင်၊ ရခိုင်ဒီမိုကရေစီအဖွဲ့ချုပ်၏ ရန်ကုန်တိုင်း ဥက္ကဋ္ဌ ဦးလှမြင့်၊ ရခိုင်စာပေနှင့် ယဉ်ကျေးမှုရေးရာ ဥက္ကဋ္ဌ ဒေါ်စောခင်တင့် အပါအဝင် နယ်ပယ်အသီးသီးမှ ရခိုင်
ခေါင်းဆောင်များ၊ ရခိုင်သမိုင်းပညာရှင်များနှင့် ရန်ကုန်ရောက် ရခိုင်အဖွဲ့အစည်းပေါင်း တစ်ရာကျော်မှ ကိုယ်စားလှယ်များ တက်ရောက်ခဲ့သည်။
ယခုလ ၂၂ ရက်နေ့မှ စတင်၍ ပြန်လည်ဖြစ်ပွားသည့် ရခိုင်ပဋိပက္ခအတွင်း သေဆုံးသူ ၆၇ ဦးနှင့် အဆောက်အဦးပေါင်း ၂၈၁၈ လုံး ပျက်ဆုံးဆုံးရှုံးခဲ့ပြီးဖြစ်သည်ဟု ရခိုင်ပြည်နယ်အစိုးရက ထုတ်ပြန်ထားသည်။
ပြိုင်တူတွန်းလျှင် ရွှေ့ နိုင်သည် ။
No comments:
Post a Comment