တလောက ကျွန်မဆီကို သြစတြီးယားနိုင်ငံက သူငယ်ချင်းတယောက် အလည်ရောက်လာပါတယ်။ သူ့ကရောင်စုံဘောလုံးကလေးတွေ ထည့်ထားတဲ့ အိတ်ကလေးကို သားလေးအတွက် လက်ဆောင်ပေးပါတယ်။ သားလေးကလဲ ထုံးစံအတိုင်း ချက်ချင်းယူဆော့တော့တာပါပဲ။
ဒီလိုနဲ့ ကော်ဖီခါးခါးလေးကို စတော်ဘယ်ရီ cheesecake လေးနဲ့ တွဲဖက်စားပြီး စကားကောင်းနေကြရင်း၊ သူက အနားမှာ ကစားနေတဲ့ သားလေးဆီ ရုတ်ခြည်း ထသွားပါတယ်။ သားလေးဘေးမှာ ဒူးထောက်ထိုင်ချလိုက်ရင်း "ဘောလုံးလေးတွေကို ဘာလို့ခွဲခြားပြီး ကစားနေတာလဲ" လို့ သူက မေးပါတယ်။ သူပြောတော့မှ ကျွန်မလဲ သတိထားမိပြီး၊ သားလေးကစားနေတဲ့ ဘောလုံးလေး တွေကို ကြည့်လိုက်တော့ အ၀ါရောင် ဘောလုံးလေးတွေက တစု၊ တခြား ဘောလုံးလေးတွေက တစုနဲ့ သီးခြားဆီ ပုံထားတာ တွေ့ရပါတယ်။
သားလေးကတော့ မပီကလာ၊ ပီကလာ အသံကလေးနဲ့ သူက "အ၀ါရောင်ဘောလုံးတွေကိုပဲ ကြိုက်လို့၊ တခြားဘောလုံးတွေကို ဖယ်ထုတ်ပစ်နေတာ" လို့ ဆိုပါတယ်။ ဒီတော့ သူက ကျွန်မဘက်လှည့်ပြီး "သားလေးရဲ့ အကြိုက်ဆုံးအရောင်က ဘာအရောင်လဲ" လို့ မေးပါတယ်။ ကျွန်မကလဲ "အနီနဲ့ အ၀ါ" လို့ ဖြေလိုက်တော့ အခန်းထဲမှာ ရှိနေတဲ့ အနီရောင်နဲ့ အ၀ါရောင်ကားရုပ်များစွာကို သူက မျက်လုံး ဝေ့ကြည့်လိုက်ပါတယ်။
ပြီးတော့မှ "သူကြိုက်တဲ့ အရာတွေကိုပဲ ပံ့ပိုးပေးနေရင် မကြိုက်တဲ့အရာတွေကို လက်ခံအသိအမှတ်ပြုနိုင်တဲ့ ကိုယ်ရည်ကိုယ်သွေး အားလျော့သွားမှာပေါ့" လို့ ကျွန်မကို ပြောပါတယ်။
ကျွန်မလဲ သူပြောလိုက်တဲ့ စကားကြောင့် ခေတ္တငြိမ်သက်ပြီး၊ အတွေးစလေးတွေနဲ့ မှင်သက်သွားမိ ပါတယ်။
ကျွန်မ အသိပြန်ဝင်လာချိန်မှာ သူကတော့ သားလေးနဲ့ တူတူ ထိုင်ပြီး ဘောလုံးလေးတွေကို ပေါင်းစပ်ကစားဖို့ တိုက်တွန်းနေခဲ့ပါပြီ။
ပန်းရောင်၊ အပြာရောင်၊ အစိမ်းရောင်၊ အ၀ါရောင် ဘောလုံးလေးတွေကိုကိုင်ပြီး ဘာလဲလို့ မေးပါတယ်။ သားလေးကလဲ ပန်းရောင်ဘောလုံး၊ အပြာရောင်ဘောလုံး၊ အစိမ်းရောင်ဘောလုံး၊ အ၀ါရောင်ဘောလုံး ဆိုပြီး ပြန်ဖြေပါတယ်။ အားလုံးမှာ ဘောလုံးဆိုတာ တူတူပဲ မဟုတ်လားလို့ သူက ဆက်မေးပါတယ်။ ပြီးတော့မှ သားလေးရဲ့ အကြိုက်ဆုံးဘောလုံးအရောင်ကို ရွေးခိုင်းပါတယ်။ ပြီးတော့ အ၀ါရောင် ဘောလုံးအစုထဲက ဘောလုံးလေးတလုံးကို ကောက်ယူပြီး တခြားအရောင် ဘောလုံးတလုံးစီကိုလဲ ရွေးထုတ်လိုက်ပါတယ်။ နောက်တော့ အ၀ါရောင်ဘောလုံးအစုလေးနဲ့ ရောင်စုံဘောလုံး အစုလေးကို ယှဉ်ပြပြီး ဘယ်အရာက ပိုလှလဲလို့ မေးတော့ သားလေးက ရောင်စုံဘောလုံး အစုလေးကို လက်ညှိုးထိုးပြပါတယ်။
ပြီးတော့မှ အကြိုက်ဆုံးအရောင်ကို ရွေးချယ်ခွင့်ရှိတယ်ဆိုပေမယ့်၊ ဒီဘောလုံးအိတ်လေးထဲမှာက တခြားအရောင်ဘောလုံးလေးတွေလဲ ရှိတယ် ဆိုတာတွေ၊ ကိုယ့်ကြိုက်တဲ့ ဘောလုံးလေးတွေနဲ့အတူ တခြားဘောလုံးလေးတွေ အတူတွဲပြီး ထားရင်လဲ လှလှလေးရှိတတ်တယ်ဆိုတာတွေ၊ ကိုယ်ကြိုက်တဲ့ ဘောလုံးလေးတွေကိုပဲ ခွဲထုတ်ပြီး သီးခြားမထားသင့်ဘူး ဆိုတာတွေကို အေးအေးဆေးဆေးနဲ့ ရှင်းပြနေပါတယ်။
နောက်တော့ အရောင်ဆိုတာက အပေါ်ယံအလှဆင်ထားတာဖြစ်ပြီး၊ ဘောလုံးဆိုတာက အတူတူပဲ ဆိုတာကို ရှင်းပြပြီး၊ ကျွန်မရဲ့ ကွန်ပြူတာလေးကို သုံးခွင့်တောင်းပါတယ်။ အင်တာနက်ပေါ်မှာ လူပုံလေးတွေကို ဦးထုပ်ဆောင်းလိုက်၊ အ၀တ်အစားမျိုးစုံ ၀တ်ပေးလိုက်၊ အရောင်မျိုးစုံ ချယ်ပေးလိုက် လုပ်လို့ရတဲ့ ပရိုဂရမ်လေးကို ဖွင့်ပြီး၊ သားလေးနဲ့ တူတူ ကစားရင်း၊ အရောင်တွေဆိုတာ အပေါ်ယံဆိုတာကို သားလေးကို ပြောပြနေခဲ့ပါတယ်။
ကျွန်မကတော့ သူနဲ့ သားလေးကို ကြည့်ပြီး၊ ဘာတခုမှ ၀င်မပြောနိုင်ခဲ့ပါ။ သားလေးက အနီရောင်နဲ့ အ၀ါရောင်လေးတွေ ကြိုက်တာကို သတိပြုမိပြီး၊ ဘာအရုပ်ပဲဝယ်ဝယ်၊ အ၀ါရောင်နဲ့ အနီရောင်အရုပ်လေးတွေကိုပဲ လိုက်ဝယ်ပေးနေမိခဲ့တာဟာ ကွဲပြားမှုတွေကိုပဲ မီးမောင်းထိုးပြနေခဲ့ မိတာပါလားလို့ တွေးလိုက်မိပါတယ်။ ကျွန်မရဲ့ မျိုးဆက်သစ်လေးကို ကြိုက်တာတွေ ရွေးချယ်ခွင့် ရှိပေမယ့်၊ တခြားအရာတွေကိုလဲ အသိအမှတ်ပြု လက်ခံလာအောင်၊ အခြေခံ တူညီမှုတွေကို သတိပြုမိလာအောင်၊ ကြိုက်တာတွေကိုပဲ သီးခြားခွဲထုတ်ထားတာမဟုတ်ပဲ တခြားအရာတွေနဲ့ ပေါင်းစည်းထားမှုကနေ ထွက်ပေါ်လာတဲ့ အလှတရားကို မြင်တတ်လာအောင် သင်ပေးဖို့ ကျွန်မ လုံးဝ သတိမမူမိခဲ့တာကိုလဲ နောင်တရသွားမိပါတယ်။
အဲဒီနေ့က သားလေးအတွက် ဘ၀သင်ခန်းစာကောင်းကောင်းလေး သင်ပြပေးခဲ့တာကို ကျေးဇူးတင်စကား သေချာပြောမိပါတယ်။ သူက ကွဲပြားမှုကို လက်ခံပြီး၊ ပေါင်းစည်းခြင်းအလှကို မြင်နိုင်တဲ့ အရည်အချင်းရှိလာဖို့ လူကြီးတွေက စပြီး ကြိုးစားပါမှ မျိုးဆက်သစ် ကလေးတွေကို လက်ဆင့်ကမ်းပေးနိုင်မှာဖြစ်ကြော
ဘယ်လိုပဲဖြစ်ဖြစ် သူ့ရဲ့ ရောင်စုံဘောလုံးကလေးများ သင်ခန်းစာကြောင့် အခုဆိုရင် သားလေးကတော့ အရုပ် အရောင်ပေါင်းများစွာနဲ့ ပေါင်းစပ်ပြီး ကစားတတ်သွားခဲ့ပါပြီ။ ကျွန်မကတော့ ပေါင်းစည်းခြင်းရဲ့ အလှတရားကို မြင်တတ်သွားတဲ့ သားလေးအတွက် ကြည်နူးမိရင်း၊ ကွဲပြားခြားနားမှုတွေကိုပဲ မီးမောင်းထိုးမပြမိအောင်လဲ သတိနဲ့ ရှောင်ရှားရင်း----------------
ခင်မမမျိုး (၃၀၊ ၁၁၊ ၂၀၁၁)
No comments:
Post a Comment