နိုင်ငံရေးအကျဉ်းသား (ကိုမင်းကိုနိုင် ၊ ကိုကိုကြီး ၊ အရှင်ဂဏ္ဘီရ အစရှိသည် ဖြင့် - - - )တွေလွှတ်ပေးမလားလို့  အခုစောင့်ကြည့်နေတယ် ။ မပေါ်လာဘူး ။ ည နှစ်နာရီခွဲ သုံးနာရီလောက် တခါ ကွန်ပြူတာဖွင့်ပြီး ထကြည့်မိပြန်တယ် ။ မပေါ်လာသေးဘူး ။ မနက်လင်းတော့ မျက်နှာတောင်မသစ်ရသေးဘူး ကြည့်မိပြန်တယ် ။ စိတ်ပျက်တာဘဲ အဖတ်တင်တယ် ။ ကိုယ့်ခေါင်းကို ပြန်ခေါက်မိတယ် ။ (ကျနော့် (တို့ ) နောက်မှနေ ကြိတ်ရယ်နေသူတွေဘယ်နှစ်ယောက်လောက်များရှိနေမလဲမသိ) ဘာထူးခြားသလဲ ။ ဘာမှမထူး ။ ဒါဆို ဘာလို့ ဒီသတင်း သတင်းဌာနတွေမှာပါ လာလဲ ။ ကျနော်ကရော ဘာလို့ ဒီလောက် အားတက်သရော စောင့်မျှော်နေရသလဲ ။ အဖြေရှိတယ် ငြင်းမရတဲ့ အဖြေ ။ ကျနော်တို့ မှာ အကောင်းမြင် ဝါဒရှိတယ် ။ ကောင်းလားနိုး မျှော်လင့်ချက်ရှိနေကြတယ် ။ ဒါပေသိ ဒီအမြင် ၊ ဒ်ီအတွေးအခေါ် တွေကို အမြဲလို ဖျက်ဆီးခံနေရတာက သူတို့ ကြောင့် ၊ ကြံဖွတ်စစ်အစိုးရကြောင့် ။ အမြဲလိုလဲ လိမ် တယ် ၊ လူထု ထင်ယောင်ထင်မှားဖြစ်အောင် လဲလုပ်လေ့လုပ်ထရှိတယ် ။ သူတို့ ဖြစ်ချင်တာ ၊ လုပ်ချင်တာ ပြည်သူ့ အကျိုးမပါရင်နေပါစေ သူတို့  နေရာမပျက်ရင်ပြီးရော နာမည်ပျက်ချင်ပျက်ပါစေ ဇွတ်လုပ် လေ့လုပ်ထရှိပါတယ် ။ ယခုလဲ လူကြီးလူကောင်းမဆန်တဲ့ လုပ်ရပ် “နိုင်ငံရေးအကျဉ်းသားနဲ့  NLD မှတ်ပုံတင်ရေး အလဲအလှယ်လုပ်ဖို “့ ။ တနှစ်တင်းတင်းပြည့်ပြီးပါပြီ ။ မြန်မာပြည်သူတို့  အကောင်းဆုံးကို မျှော်လင်ပြီး အဆိုးဆုံးဘဝအချေအနေမှ အမြန်ဆုံးကင်းဝေးကြပါစေ ။
ဗမာနိုင်ငံတွင် စစ်မှန်သောဒီမိုကရေစီရရှိဖြစ်ထွန်းရေးသည် ဗမာနိုင်ငံသားအားလုံး၏ တာဝန်ဖြစ်သည်။
No comments:
Post a Comment