အကြင်နာတရားကင်းမဲ့ တဲ့ လူမျိုးများ

စိတ်ယဉ်ကျေးမှု ချွတ်ခြုံကျ ဆင်းရဲနေသော စီးပွားဖွံ့ဖြိုးသည့် တိုင်းပြည်

တရုတ်အစိုးရ အပါအ၀င် တရုတ် အရင်းရှင် ကုမ္ပဏီတွေနဲ့ အဓိက ဆက်ဆံနေရတဲ့ မြန်မာနိုင်ငံ အပါအ၀င် ဖွံ့ဖြိုးဆဲ နိုင်ငံတွေ အတွက်တော့ (moral collapse) စိတ်ယဉ်ကျေးမှု ချွတ်ခြုံကျ ဆင်းရဲနေတဲ့ တရုတ်နဂါးကြီးကို အထူး သတိထားစရာလို့ တွေးမိပါတယ်။


ကျနော် ငယ်ငယ်က အဖေဟာ အိပ်ရာဝင်ခါနီး ပုံပြင် ပြောလေ့ရှိပါတယ်။ အဖေပြောတဲ့ ပုံပြင်တွေထဲမှာ ဗုဒ္ဓ၀င် နိပါတ်တော်တွေ ပါသလို ဒဏ္ဍာရီဆန်တဲ့ ပုံပြင်လေးတွေလည်း ပါလေ့ ရှိပါတယ်။ ခုထိ မမေ့နိုင်သေးတဲ့ ပုံပြင်တပုဒ် ကတော့ “ဂေါ်တူဂရိတ်နိုင်ငံ” ဆိုတဲ့ ဒဏ္ဍာရီ ပုံပြင်လေးတခုပါ။

ဂေါ်တူကရိတ်နိုင်ငံဆိုတာ ဘင်္ဂလားပင်လယ်အော် အတွင်းမှာ တည်ရှိတယ်လို့ ဆိုပါတယ်။ ဘာသာတရား ကိုင်းရှိုင်းတဲ့ လူတွေ နေထိုင်ကြတယ်။ ဒါပေမယ့် နှစ်ကာလ ကြာလာတဲ့အခါ ဘာသာတရား ကိုင်းရှိုင်းမှု ပျောက်သွားပြီး စိတ်ဓါတ်ပိုင်းဆိုင်ရာ ပျက်စီးသွားတဲ့ နိုင်ငံ ဖြစ်သွားတယ်။ ဘယ်အထိ ပျက်စီးသလဲဆိုရင် ဘုရားရှေ့မှာ အပေါ့အပါးနှင့် ဆီမီး ပူဇော် ထားခဲ့ပြီး မနက်မိုးလင်းလို့ သွားကြည့်ရင် မီးပူဇော်တဲ့ ဆီမီးခွက်ထဲမှာ ရွှေငွေတွေ ရတယ်လို့ ဆိုပါတယ်။ ရွှေငွေတွေ ရလိုတဲ့အတွက် နိုင်ငံသူ၊ နိုင်ငံသား အကုန်လုံး မီးပူဇော်ကြတယ်၊ အဲဒီလို ကိုယ်ကျိုးကြည့်ပြီး ဘာသာတရား ကိုင်းရှိုင်းမှု ပျက်လာတဲ့ အတွက် နဂါးကြီးက ကျွန်းရှိလူတွေကို ရေနှစ် သတ်ခဲ့တယ် လို့ဆိုပါတယ်။ ပုံပြင်ရဲ့ ဆိုလိုချင်တဲ့ အနှစ်သာရ ကတော့ တိုင်းသူပြည်သားတွေ ကိုယ်ကျင့်တရား ပျက်စီးသွားတဲ့ အတွက် တိုင်းပြည် ပျက်ရကြောင်းကို ပုံဖေါ်လိုပုံ ရပါတယ်။

လူမှုကွက်ယက်ပေါ်က လူသား ၄ ဒသမ ၄ သန်းရဲ့ မှတ်ချက်

အောက်တိုဘာလ ၁၃ ရက်နေ့မှာ တရုတ်နိုင်ငံ ဖူရှန် မြို့ဈေးအတွင်းမှာ လမ်းလျှောက်နေတဲ့ ၂ နှစ် သမီးလေး ယူယူ( Yue Yue) ကို ဗန်ကားတစီးက ရုတ်တရက် တိုက်မိပါတယ်။ ကားတိုက်မိပြီး ကလေး မြေပေါ်ကို လဲကျသွားပါတယ်။ ကားဒရိုင်ဘာလည်း ကား တိုက်မိတာကို သိတဲ့အတွက် ရုတ်တရက် ကားကို ရပ်လိုက်ပါတယ်။ စက္ကန့်ပိုင်း လောက်မှာ ကားဒရိုင်ဘာဟာ ကားအောက်ကို ရောက်နေတဲ့ ကလေးကို မြင်လျက်နဲ့ နောက်ဘီးနှင့် တက်နင်းသွားတာကို ရုပ်မြင်သံကြား ထုတ်လွှင့်ချက်တွေမှာ မြင်လိုက်ရပါတယ်။

သိပ်မကြာခင်မှာပဲ ကုန်တင်ကား အသေးလေး တစ်စီးက ကလေးရဲ့ အောက်ပိုင်းကို တက်ကြိတ် သွားပြန်တယ်။ ၇ မိနစ်အတွင်း လူ ၁၈ ယောက်ဟာ ကားတိုက်ခံရပြီး တစာစာ အော်နေတဲ့ ကလေးအနား ဖြတ်သွားကြပါတယ်။ ဘယ်သူမှ ကယ်မယ့်လူ မရှိဘူး။ ၁၉ ယောက်မြောက် အဖွားအို တဦးက အော်ပြီး အကူအညီ တောင်းပေမယ့် ဘယ်သူမှ ပေါ်မလာဘဲ မိခင်ပေါ်လာမှ သူ့သမီးကို ချီသွားပါတယ်။

တရုတ်လူမျိုးတွေဆိုတာ ကွန်ဖြူးရှပ် အတွေးအခေါ် လွှမ်းမိုးတဲ့ လူမျိုးဖြစ်ပါတယ်။ ကွန်ဖြူးရှပ် ၀ါဒအရ ဆိုရင် ဒုက္ခ ရောက်နေတဲ့ သူကို ကူညီခြင်း၊ ဆွေမျိုးပေါက်ဖေါ် အချင်းချင်းရိုင်းပင်း ကူညီခြင်းဟာ ဒီဝါဒရဲ့ အနှစ်သာရပါ။ ဒါပေမယ့် အောက်တိုဘာ ၁၃ ရက်နေ့မှာ ဖြစ်ခဲ့တဲ့ အသက် ၂ နှစ်အရွယ် ကလေးငယ်လေး သွေးအိုင်ထဲ လူးလှိမ့်နေတာကို ကယ်မယ့်သူ မရှိ ဖြစ်နေတာကို ကြည့်ပြီး တရုတ်နိုင်ငံ အပါအ၀င် ကမ္ဘာတ၀ှမ်းက လူမှုဗေဒပညာရှင်တွေ၊ ပြည်သူတွေဟာ ဒီနေ့ တရုတ်လူမျိုးတွေရဲ့ ကိုယ်ကျင့်တရားဆိုင်ရာကို သုံးသပ်ပြောဆိုမှုတွေ ကမ္ဘာ့ မီဒီယာတွေမှာ ဖြစ်ပေါ် ခဲ့ပါတယ်။ Yue Yue ရဲ့ ဖြစ်ရပ်ကို ရုပ်သံမှာ ထုတ်လွှင့်ပြီး ဖေ့စ်ဘုတ် တခုမှာဆိုရင် လူ ၄ ဒသမ ၄ သန်းလောက် ၀င်ရောက် ဆွေးနွေးခဲ့ ကြပါတယ်။ ၀င်ရောက် ဆွေးနွေးသူ အများစုက တရုတ် လူ့အဖွဲ့အစည်းဟာ စီးပွားရေး တိုးတက်မှုနှင့်အတူ “Moral Collapse” ကိုယ်ကျင့် တရားဆိုင်ရာ ချွတ်ခြုံကျတဲ့ တိုင်းပြည်ဖြစ်နေပြီ လို့ ဆွေးနွေးခဲ့ကြတယ်။ နာမည်ကြီး သတင်းမဂ္ဂဇင်း Caixin ကတော့ တရုတ်ရဲ့ နိုင်ငံရေး ယဉ်ကျေးမှုကို ပြစ်တင် ဝေဖန် ထားပါတယ်။


ကိုယ်ကျင့်တရား ပျက်စီးနေတဲ့ နဂါးကြီးရဲ့ အန္တရာယ်ကို သတိထားကြ

ကိုယ်ကျင့်တရားမရှိတဲ့ နဂါးကြီး အရှက်ရသွားတဲ့ လစ်ဗျားအရေး

စစ်အေးခေတ် နောက်ပိုင်း တရုတ်နိုင်ငံရဲ့ နိုင်ငံတကာ ဆက်ဆံရေးမှာ မိမိနိုင်ငံရဲ့ အကျိုးစီးပွား တခုတည်းကိုသာ ကြည့်တဲ့ ကိုယ်ကျင့်တရား မရှိတဲ့ လမ်းစဉ်ကို သုံးလာတာ ဆယ်စုနှစ် နှစ် ခု လောက် ရှိနေပါပြီ။ လတ်တလော ဖြစ်ပျက်ခဲ့တဲ့ လစ်ဗျားအရေးကို ကြည့်ပါ။ ၄၂ နှစ်ကြာ အုပ်ချုပ်ခဲ့တဲ့ အာဏာရှင် ကဒါဖီကို ပြည်သူတွေ ဖြုတ်ချဖို့ လုပ်နေတဲ့အချိန်၊ ကုလသမဂ္ဂမှ လေယာဉ် မပျံသန်းရဇုန် သတ်မှတ်ဖို့ ကြိုးစားနေချိန်မှာ တရုတ်က မသိသလိုနဲ့ ကြားနေခဲ့တယ်။ ကုလသမဂ္ဂရဲ့ ဆုံးဖြတ်ချက်နှင့် နေတိုးက လစ်ဗျား ပြည်သူတွေကို ကာကွယ်တော့ တရုတ်က ကန့်ကွက်ခဲ့ပြန်တယ်။

အရေးသာလာတဲ့ လစ်ဗျား အသွင်ကူးပြောင်းရေး ကောင်စီ NTC ကလည်း အနာဂတ်မှာ တရုတ်နှင့် ရုရှားတို့အတွက် လစ်ဗျားမှာ နေရာ မရှိဘူးလို့ ပြတ်ပြတ်သားသား တုံ့ပြန်ခဲ့တယ်။ တရုတ်နိုင်ငံဟာ လစ်ဗျားမှာ ရေနံ တူးဖေါ်ရေးလုပ်ငန်း၊ မီးရထားလမ်းနှင့် အခြေခံ အဆောက်အအုံတွေမှာ ဒေါ်လာ ၁၈ ဘီလီယံဖိုး ရင်းနှီးမြှုပ်နှံ ထားပါတယ်။ ဒီလို မြောက်အာဖရိက နိုင်ငံငယ်လေး တခုက ကမ္ဘာ့ အင်အားကြီးနိုင်ငံ တခုကို ပြောလိုက်တာဟာ နိုင်ငံတကာ ဆက်ဆံရေး နယ်ပယ်မှာ အရှက်ရစေပါတယ်။ ဒါ့အပြင် တရုတ်ရဲ့ စွမ်းအင် လိုအပ်ချက် ၃ ရာခိုင်နှုန်းလောက်ကို ဖြည့်ဆည်းပေးနေတဲ့ ရေနံသိုက်ကြီး တခုကို လက်လွတ် ဆုံးရှုံး လိုက်ရပါတယ်။တရုတ်ကြီး ဆီးရီးယား အရေးမှာ ၀င်ရှုပ်ပြီ

တူနီးရှားမှ စတင်ခဲ့တဲ့ အာရပ် လူထုအုံကြွမှုဟာ ဆီးရီးယား နိုင်ငံအထိ ပြန့်နှံ့ နေပါတယ်။ အာဏာရှင် အာဆတ်ကို သမ္မတ ရာထူးက ဆင်းပေးဖို့ တောင်းဆိုမှုတွေ ဆက်တိုက်ဖြစ်ပေါ် နေပါတယ်။ အာဆတ်ကလည်း သူ့ရာထူး တည်မြဲရေးအတွက် လူထုကို အပြတ်ချေမှုန်း နေပါတယ်။ အောက်တိုဘာ ၄ ရက်နေ့ ကုလသမဂ္ဂ လုံခြုံရေးကောင်စီမှာ ဆီးရီးယား နိုင်ငံအတွင်း လူမဆန်စွာ သတ်ဖြတ်နေမှုကို ပြစ်တင် ရှုတ်ချဖို့ မဲခွဲ ဆုံးဖြတ်တဲ့ အခါမှာ တရုတ် နှင့် ရုရှား နှစ်နိုင်ငံတို့က ဗီတိုမဲနှင့် ပယ်ချခဲ့အတွက် အဆို ရှုံးနိမ့်ခဲ့ပါတယ်။ အခုဆိုရင် ဆီးရီးယားပြည်သူ့ အသက် ၃၀၀၀ ကျော် ဆုံးရှုံး လိုက်ရပါပြီ။

တရုတ်နှင့်ရုရှား နိုင်ငံတို့ဟာ လစ်ဗျားအရေးမှာ ကြီးမားသော သင်္ခန်းစာ ရရှိလိုက်ပါတယ်။ နောက်ထပ် ဒီလိုမျိုး အခွင့်အလမ်း ဆုံးရှုံးမှု ရှိလာမှာကို ထိတ်လန့်နေတဲ့ သဘောရှိပါတယ်။ ဒါကြောင့် ဗီတိုမဲကို အသုံးပြုပြီး အာဏာရှင် ဘာရှာအယ်လ်အာဆတ်ကို ကာကွယ်မှု ပေးခဲ့ကြပါတယ်။

ကိုယ်ကျင့်တရား မရှိတဲ့ တရုတ်အစိုးရနှင့် ကုမ္ပဏီများ

မိမိနိုင်ငံ တခုတည်းရဲ့ အကျိုးစီးပွားကို ကြည့်တဲ့ တရုတ်ကြီးဟာ နိုင်ငံတကာ ဆက်ဆံရေး နယ်ပယ်မှာသာ အရှက်ရစေတာ မဟုတ်ဘဲ ကိုယ်ကျိုးကြည့် စီးပွားရေး လုပ်ငန်းရှင်တွေ ကြောင့်လည်း တရုတ်ရဲ့ ဂုဏ်သိက္ခာကို ထိခိုက်စေခဲ့တာမျိုး ရှိခဲ့ပါတယ်။ ကြီးမားတဲ့ အရှက်ရစေမှုကတော့ ၂၀၀၈ ခုနှစ်မှာ ဖြစ်ပေါ်ခဲ့တဲ့ မယ်လမိန်း ဓါတ်သတ္တုပါတဲ့ နို့မှုန့်တွေကို ကမ္ဘာ့တ၀ှမ်း ဖြန့်ချိမှုကြောင့် အုတ်အော်သောင်းတင်း ဖြစ်ခဲ့ရပါတယ်။ ကလေးငယ် ထောင်နှင့် ချီကာ ကျောက်ကပ် ထိခိုက်မှုတွေ ဖြစ်ပေါ်ခဲ့ပါတယ်။ ကလေးငယ် ခြောက်ဦးထက် မနည်း သေဆုံးခဲ့ရပါတယ်။

ဒီလို အခြေအနေတွေကို ကြည့်ရင် တရုတ်အစိုးရကသာ ကိုယ်ကျိုးစီးပွား တခုတည်းကို သာကြည့်တာ မဟုတ်ဘဲ စီးပွားရေး လုပ်ငန်းရှင်တွေမှာလည်း မိမိ အကျိုးစီးပွား ဖြစ်ထွန်းရေး အတွက် ဆိုပါက လူ့အသက်တွေကို အဓိက မထားဘဲ “ဘယ်သူ သေသေ ငတေမာရင် ပြီးရော” ဆိုတဲ့ လမ်းစဉ်ကို လိုက်နေကြပါတယ်။ အောက်တိုဘာ ၁၃ ရက်နေ့က ဖြစ်ပွားခဲ့တဲ့ ယာဉ်တိုက်မှုဟာ သာမန်ရိုးရိုး ဖြစ်စဉ် မဟုတ်ဘဲ တရုတ် လူ့အဖွဲ့အစည်း တခုလုံးမှာ ကိုယ်ကျင့် တရား ချွတ်ခြုံ ကျနေတာကို ပြသလိုက်တာ ဖြစ်ပါတယ်။ လူမမယ် ကလေးတဦး သေလုမျောပါး ဖြစ်နေတဲ့ ဖြစ်ရပ်ကို ၇ မိနစ်အတွင်း ဖြတ်သွားတဲ့ လူ ၁၈ ဦးက လျစ်လျူပြု ခဲ့ကြတာဟာ တရုတ်နိုင်ငံရဲ့ ပကတိ အခြေအနေ ဖြစ်တယ်လို့ အချို့သော လူမှုစိတ်ပညာရှင်တွေက သုံးသပ်ခဲ့ ကြပါတယ်။

သတိထားတော့ ဖွံဖြိုးဆဲနိုင်ငံတွေ

တရုတ်ပြည်တွင်း မီဒီယာတွေနဲ့ ဖေ့စ်ဘုတ်၊ တွစ်တာ လူမှုဆက်သွယ်ရေး ကွန်ယက်တွေ ကနေ တရုတ်နိုင်ငံရဲ့ စီးပွားရေး တိုးတက်မှုနှင့် ကိုယ်ကျင့်တရား ပျက်စီးမှုကို အကြီးအကျယ် ထိုးနှက်မှုတွေ ဖြစ်ပေါ်ခဲ့ပါတယ်။ ဒါကြောင့် တရုတ် ကွန်မြူနစ်ပါတီရဲ့ ထိပ်ပိုင်းခေါင်းဆောင် ၃၀၀ ကျော်ဟာ အောက်တိုဘာ ၁၅ ရက်နေ့ကနေ ၁၈ ရက်နေ့ထိ ကျင်းပခဲ့တဲ့ အထူး အစည်းအဝေးမှာ တရုတ်ရဲ့ ပျက်စီး ယိုယွင်းနေတဲ့ ကိုယ်ကျင့်တရားဆိုင်ရာကို ဆွေးနွေး ခဲ့ဖွယ်ရှိပါတယ်။ တရုတ်လူမျိုးတွေနှင့် တရုတ်အစိုးရရဲ့ ကိုယ်ကျင့်တရား ပျက်စီးမှုက ကျနော်အဖေပြောတဲ့ “ဂေါ်တူကရိတ်” နိုင်ငံလို ကမ္ဘာ့လူဦးရေ ခြောက်ပုံတပုံ ရှိတဲ့ နိုင်ငံကြီးရဲ့ ကျဆုံးခန်းကို ဖြစ်စေမှာတော့ မဟုတ်ပါဘူး။ ဒါပေမယ့် တရုတ်အစိုးရ အပါအ၀င် တရုတ် အရင်းရှင် ကုမ္ပဏီတွေနဲ့ အဓိက ဆက်ဆံနေရတဲ့ မြန်မာနိုင်ငံ အပါအ၀င် ဖွံ့ဖြိုးဆဲ နိုင်ငံတွေ အတွက်တော့ (moral collapse) စိတ်ယဉ်ကျေးမှု ချွတ်ခြုံကျ ဆင်းရဲနေတဲ့ တရုတ်နဂါးကြီးကို အထူး သတိထားစရာလို့ တွေးမိပါတယ်။

http://www.maukkha.org/index.php?option=com_content&view=article&id=1910&catid=131&Itemid=384 မှကူးယူဖော်ပြပါသည်။