2011-12-06
အမျိုးသား ဒီမိုကရေစီ အဖွဲ့ချုပ် အတွင်းရေးမှူးဦးလွင် ဟာ အင်္ဂါနေ့ည ၈ နာရီ ၄၀ ဝန်းကျင် လောက်မှာ ရန်ကုန်မြို့နေအိမ်မှာ ၉၆ ပါး ရောဂါနဲ့ ကွယ်လွန်သွားခဲ့ပါတယ်။
အမျိုးသားဒီမိုကရေစီ အဖွဲ့ချုပ် အတွင်းရေးမှူး ဦးလွင်
ဒီကိစ္စနဲ့ ပတ်သက်လို့ ဦးလွင်ရဲ့ သမက်ဖြစ်သူ ဦးထင်ကျော်က RFA ကို အတည်ပြု ပြောဆိုပါတယ်။ ဈာပနကို လာမယ့် ဒီဇင်ဘာလ ၈ ရက် ကြာသပတေးနေ့ နေ့လည် ၁ နာရီ ခွဲမှာ ကျင်းပဖို့ စီစဉ်ထား တယ်လို့ ဆိုပါတယ်။ ဦးလွင်ဟာ မြန်မာ့ ဆိုရှယ်လစ် လမ်းစဉ် ပါတီခေတ်မှာ ဒုတိယ ဝန်ကြီးချုပ် အဖြစ် တာဝန်ထမ်းဆောင်ခဲ့ သလို၊ နိုင်ငံတော် ကောင်စီဝင် တစ်ဦး အဖြစ်လည်း တာဝန် ထမ်းဆောင်ခဲ့ပါတယ်။ ၁၉၈၈ ခုနှစ် ၈ လေးလုံး အရေးတော်ပုံ အပြီး အမျိုးသား ဒီမိုကရေစီ အဖွဲ့ချုပ်ကို ဦးတင်ဦး၊ ဒေါ်အောင်ဆန်းစုကြည်တို့ တည်ထောင်တဲ့ အခါ ဦးလွင်လည်း ပါဝင်ပြီး၊ ပါတီ အတွင်းရေးမှူး အဖြစ် တာဝန်ထမ်းဆောင်ခဲ့ပါတယ်။ ဆုံးပါးချိန်မှာ သမီးတစ်ဦး ကျန်ရစ်ပါတယ်။
No comments:
Post a Comment