ကြာသာပတေးနေ့၊ အောက်တိုဘာလ ၁၃၊ ၂၀၁၁
ကနေ့- သီတင်းကျွတ်လပြည့်နေ့မှာ လွတ်ငြိမ်းချမ်းသာခွင့်ပေးတဲ့အတွက် ဘာသာရေးရှုထောင့်ကနေကြည့်ရင် အရမ်းကို သင့်တော်ဆီလျှော်မှန်ကန်ပါတယ်၊။ ဒါပေမယ့်- လွတ်ငြိမ်းချမ်းသာခွင့်ပေးတဲ့အထဲမှာ ယုံကြည်ချက်-ခံယူချက်ကြောင့် အကျဉ်းကျနေတဲ့ လူတွေကိုလွှတ်ပေးတာ အားရကျေနပ်မှုမရှိခဲ့ပါဘူး။ ဒါကြောင့်- လူတွေတော်တော်များများ သီတင်းကျွတ်လပြည့်နေ့မှာပဲ စိတ်ထဲမှာ ကသိကအောင့်ဖြစ်နေကြရပါတယ်၊။ အကယ်၍-အားလုံးကိုလွှတ်ပေးရင် ကျေးဇူးအတင်ခံရမှာစိုးလို့လား ( ဒါမှမဟုတ် ) နတ်လူသာဓု အခေါ်ခံရမှာစိုးလို့လား...လို့ ကသိကအောင့်ဖြစ်နေတဲ့စိတ်က မေးချင်ပါသည်။ ကနေ့-နိူင်ငံရေးအကျဉ်းသားတွေ လွှတ်ပေးခြင်းအပေါ်....ဝမ်းနည်းရမှာလား- ဝမ်းသာရမလား- မောင်သိန်းစိန် လို့ လည်း ဆက်ပြီးမေးချင်ပါသေးသည်။အမှန်တကယ်တော့ နိူင်ငံရေးအကျဉ်သားတွေဟာ သူတို့ဘဝမှာ နိူင်ငံနဲ့လူမျိုးအတွက် ပေးဆပ်ယုံသက်သက်နဲ့ စွန့်လွှတ်နေခြင်းသာဖြစ်ပါတယ်၊ သူတို့မှာ ရယူလိုမှု ကလဲ့စားချေ- မုန်းတီးတဲ့စိတ်တွေ စိုးစဉ်းမျှ မရှိရိုးအမှန်ပါ၊
အခု- လွတ်မြောက်လာတဲ့ နိူင်ငံရေးအကျဉ်းသားတွေဟာ သမ္မတ- ဦးသိန်းစိန်ရဲ့ ဧရာဝတီမြစ်ဆုံရပ်တံ့ လိုက်တာနဲ့ ပတ်သက်ပြီး ကျေးဇူးတင်တာ ပြောဆိုနေခြင်းဟာ ရန်လိုစိတ်မရှိတဲ့ သူတို့တတွေရဲ့ ပကတိရိုးသားတဲ့စိတ်အစဉ်ကို မီးမောင်းထိုးဖော်ကြူးနေတာ လက်တွေ့ပြသလိုက်တာပါပဲ။ သူတို့တတွေဟာ နိူင်ငံကို ဖျက်လိုဖျက်ဆီး နှောက်ယှက်သူများမဟုတ်သလို....အပြစ်ကျူးလွန်သူတွေအပေါ်လည်း အာဃသ ရှိမနေဘူးဆိုတာယုံကြည်ပါတယ်။
ဒီနေရာမှာ- ကျနော့်ရဲ့ တော်လှန်ရေး- နိူင်ငံရေး လောကမှာ ကြုံဆုံခဲ့ရတဲ့ သူငယ်ချင်း လှိုင်ဘွားရေးထားတဲ့ ကဗျာတပုဒ်ကို အလျှင်းသင့်၍ဖော်ပြချင်ပါသည်။ ကဗျာရဲ့ ခေါင်းစဉ်က-
သို့....ဦးသိန်းစိန်
သွင်းလိုက် ထုတ်လိုက်
ပြန်သွင်းလိုက် ပြန်ထုတ်လိုက်
အားလုံး ဖုတ်လိုက် ဖုတ်လိုက်နဲ့
အလ္လမယ်ဆရာရဲ့
ပချုပ်ထဲကမြွေတွေလို...
အနှစ် ၂၀ တစ်လလျှော့
၆၅ နှစ်- တစ်နှစ်လျော့
လွတ်ရက်စေ့တော့လည်း လွှတ်ပေး
အိမ်မရောက်သေးခင် ပြန်သွင်း
သည်- ထူးမခြားနားသီချင်းကြီး
အခြားတီးလုံး ပြောင်းတီးပါတော့။
ကြံဖန်ကျေးဇူးတင်တတ်သော လူမျိုး
အလွန်တရာခွင့်လွှတ်တတ်သော လူမျိုး
အမှတ်သဲခြေမထားတဲ့ လူမျိုး
အငြိုးအတေးမပွါးတဲ့ လူမျိုး
တင်းတိမ်ရောက်ရဲဆုံး လူမျိုး
သွေးဆူလွယ် မေ့ပျောက်လွယ်တဲ့ လူမျိုး
ကောင်းတကွက်ကြောင့် ဆိုးကွက်တစ်ရာကို မေ့နိူင်ပါသော လူမျိုး
သည်လူမျိုးကို
ပုဆိန်ရိုးတစ်စုလက်က ကယ်မယ်ဆိုရင်
လူကြီးမင်းကို-
ကလပ်ပေါ်တင် သ္ခင်လိုထား
အရိုးသားဆုံနည်းနဲ့
သတိယတိုင်း ရှစ်ကြီးခိုးပါ့မယ်....လို့
လှိုင်ဘွားက ဖြစ်ရပ်မှန်ကို ရေးသားထားတာပါ။ဒီနေရာမှာ...လက်ရှိအစိုးရအနေနဲ့ တိုင်းပြည်ပြန်လည်ထူထောင်စဲကာလမှာ အသုံးတတ်မယ်ဆိုရင် နိူင်ငံရေးအကျဉ်းသားတွေရဲ့ အားတွေကို ရယူအသုံးပြုသွားရပါ့မယ်၊ နိူင်ငံရေးအကျဉ်းသားတွေကို တကယ့်ရန်သူကြီးသဖွယ် ဆက်ဆံနေစရာ ဘာအကြောင်းမရှိပါ။ ဒါကြောင့်- ကျနော့်အနေနဲ့ သမ္မတ- ဦးသိန်းစိန် ကိုမေးချင်တာက...အခုလို မစို့မပို့လွှတ်ပေးတဲ့ နိူင်ငံရေးအကျဉ်းသားတွေအပေါ်....ကျနော်တို့တတွေ ဝမ်းနည်းရမှာလား- ဝမ်းသာရမလား- မောင်သိန်းစိန်..။
Ko Baloi Facebook
No comments:
Post a Comment