| Saturday, 01 October 2011 07:00 |
| မြစ်ဆုံတွင် ဆည်ဆောက်မည့်ကိစ္စကို မြန်မာနိုင်ငံတွင် လူထုက ကန့်ကွက်ခဲ့ကြပြီးနောက် နိုင်ငံတော်သမ္မတဦးသိန်းစိန်က ပြည်သူ့ဆန္ဒအတိုင်း ဆောင်ရွက်ကာ ဆည်စီမံကိန်းကို ရပ်နားထားမည်ဟု ကြေညာခဲ့သည်။ ၂၀၀၆ ခုနှစ်တွင် ထိုစဉ်က မြန်မာအစိုးရနှင့် စတင်အဆိုပြု ဆွေးနွေးခဲ့ပြီး ၂၀၀၉ ခုနှစ်တွင် သဘောတူ ကန်ထရိုက်စာချုပ်ကို အေးရှားဝါးလ်ကုမ္ပဏီနှင့် တရုတ်စွမ်းအင်ကုမ္ပဏီ (CPI) တို့က ဆည်ဆောက်ရန် သဘောတူညီခဲ့ကြခြင်း ဖြစ်သည်။ တရုတ် နိုင်ငံခြားရေးဝန်ကြီးဌာနက ''တရုတ်ကုမ္ပဏီများ၏ တရားဝင်မှု အခွင့်အရေးကို နိုင်ငံများက အာမခံသင့်ကြောင်း၊မြစ်ဆုံဆည်သည် တရုတ်နှင့်မြန်မာအကြား ပူးတွဲဆောင်ရွက်ခဲ့သည့် စီမံကိန်းဖြစ်ကြောင်း၊နှစ်ဖက်စလုံးက ဆက် လက်လေ့လာ ဆုံးဖြတ်သင့်ကြောင်း'' ထုတ်ပြန်ခဲ့သည်။ ''နှစ်ဖက်စလုံးက ခင်မင်းရင်းနှီးစွာ အကြံပြုပြီးတော့ ဒီလုပ်ငန်းစဉ်နဲ့ ဆက်နွှယ်တဲ့ကိစ္စတွေကို သင့်တော်သလို ဆောင်ရွက်သင့်ပါတယ်'' ဟု နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ဟောင်လေက ပြောကြားခဲ့သည်။ မြန်မာနိုင်ငံမြောက်ဖျားတွင် တည်ဆောက်ရန်စီစဉ်ခဲ့သည့် ဆည်သည် အိမ်နီးချင်းတရုတ်အတွက် အဓိကပံ့ပိုးပေးရန် ရည်ရွယ်သည့်ကိစ္စဖြစ်ခဲ့ပြီး ထွက်ရှိမည့်စွမ်းအင် ၉၀ ရာခိုင်နှုန်းကိုပံ့ပိုးရမည်ဖြစ်ကာ စင်ကာပူနိုင်ငံအရွယ်အစားရှိ ရေလွှမ်းဧရိယာ ၇၆၆ စတုရန်းကီလိုမီတာ( ၂၉၆ စတုရန်းမိုင်)မျှ ရှိမည်ဖြစ်သည်။ မကြာသေးမီနှစ်များအတွင်း မြန်မာနိုင်ငံသည် တရုတ်မှ ရင်းနှီးမြှုပ်နှံမှုများကို နိုင်ငံတကာ၏ အရေးယူပိတ်ဆို့မှုကြောင့် မဖြစ်မနေ လက်ခံခဲ့ရသော်လည်း မကြာသေးမီ ရက်သတ္တပတ်များအတွင်း မြန်မာခေါင်းဆောင်များသည် မြန်မာပြည် သူတို့၏ဆန္ဒကို ဦးစားပေးဆောင်ရွက်စရာအဖြစ် မှတ်ယူလာခဲ့ကြသည်။ |
ဗမာနိုင်ငံတွင် စစ်မှန်သောဒီမိုကရေစီရရှိဖြစ်ထွန်းရေးသည် ဗမာနိုင်ငံသားအားလုံး၏ တာဝန်ဖြစ်သည်။
မြစ်ဆုံဆည်စီမံကိန်း ရပ်ဆိုင်းလိုက်ခြင်းနှင့် ပတ်သက်ပြီးဆွေးနွေးရန် တရုတ်တောင်းဆို
Subscribe to:
Post Comments (Atom)
No comments:
Post a Comment